19 чэрвеня 2019, Серада, 15:39
Мы ў адной лодцы
Рубрыкі

У Швейцарыі праходзіць рэферэндум аб валоданні паўаўтаматычнай зброяй

3

Калі большасць прагаласуе супраць, краіну могуць выключыць з Шэнгенскай зоны.

У Швейцарыі ў нядзелю, 19 траўня, праходзіць рэферэндум, на які вынесенае пытанне аб валоданні паўаўтаматычнай зброяй. У Еўрапейскім Звязе пасля тэрактаў, учыненых у 2015 годзе ў Францыі, стаў больш жорсткім закон аб зброі, пад забарону трапіў менавіта гэты тып зброі, уключаючы штурмавыя вінтоўкі. Між тым многія грамадзяне Швейцарыі валодаюць ёю. Швейцарыя не знаходзіцца ў Еўразвязе, але ўваходзіць у Шэнгенскую зону з адкрытымі межамі. Краіна звязаная з ЕЗ шэрагам пагадненняў і прытрымліваецца шматлікіх правілаў Еўразвязу, паведамляе dw.com.

На правядзенні рэферэндуму настаяла Стралковае аб'яднанне Швейцарыі (Interessengemeinschaft Schiessen Schweiz, IGS). На думку актывістаў IGS, прымяненне агульнаеўрапейскіх правілаў паставіць у Швейцарыі пад пагрозу стральбу як масавы від спорту. Праціўнікі змяненняў у закон у студзені сабралі 125 тысяч подпісаў, хаця для правядзення рэферэндуму патрабавалася толькі 50 тысяч. На гэта ўрад заявіў, што традыцыі «мірнага» спорту не падвергнуцца небяспецы, бо правіламі будуць прадугледжаны выключэнні для стралкоў, калекцыянераў і паляўнічых.

Калі закон будзе адхілены, Швейцарыю могуць выключыць з Шэнгенскай зоны. У гэтым выпадку магчыма аднаўленне асабістага кантролю і надгляду на межах, папярэдзіў урад краіны. Аднак апытанні паказваюць, што ўзмацненне жорсткасці закона аб зброі будзе падтрыманае.