Азаранка і Барці здабылі тытул у парным разрадзе на турніры ў Рыме
5- 19.05.2019, 18:23
- 8,803
Беларуска-аўстралійскі дуэт у фінале перамог Ганну-Лену Грэнэфельд з Нямеччыны і Дэмі Схюрс з Нідэрландаў.
Беларуска-аўстралійскі дуэт у складзе Вікторыі Азаранкі і Эшлі Барці перамог у фінале ў парным разрадзе на турніры WTA ў Рыме.
У вызначальным матчы Вікторыі і Эшлі супрацьстаялі Ганна-Лена Грэнэфельд (Нямеччына) і Дэмі Схюрс (Нідэрланды).
У першым сэце Азаранка і Барці вялі з лікам 3:0, але затым саступілі пяць геймаў запар. Дагнаць спаборніц яны ўжо не змаглі - 4:6, піша tut.by.
Больш беларуска і аўстралійка расслабленасці сабе не дазвалялі. Яны распляжылі Грэнэфельд і Схюрс у другім сэце - 6:0, а затым вызначылі зыход матчу на супер тай-брэйку - 10:3.
Нагадаем, што ў адзіночным разрадзе Вікторыя вылецела на стадыі чвэрцьфіналу, саступіўшы будучай пераможцы турніру - Караліне Плішковай - 7:6, 2:6, 2:6.
Далей Азаранку чакае ўдзел у другім у сезоне турніры Вялікага шалома - «Ралан Гарос».