29 верасня 2020, aўторак, 14:41
Сім сім, Хартыя 97!
Рубрыкі

Арганізатар «Еўравізіі» адрэагаваў на абвінавачванні на адрас пераможцы конкурсу

2
Арганізатар «Еўравізіі» адрэагаваў на абвінавачванні на адрас пераможцы конкурсу
Фота: Michael Campanella/Getty Images

Дэвід Гудман выступіў з афіцыйнай заявай.

Еўрапейская вяшчальная унія (ЕВU) не стане ануляваць перамогу прадстаўніка Нідэрландаў Дункана Лоўрэнса ў конкурсе «Еўравізія-2019». Пра гэта заявіў у нядзелю афіцыйны прадстаўнік ЕВU Дэвід Гудман, піша nn.by.

Гудман растлумачыў, што апублікаваны ў 2017 годзе ў сацсетках відэаролік песні Arcade, з якой перамог Лоўрэнс, «не даў яму перавагі» на конкурсе. Таму песня была дапушчаная да спаборніцтваў.

«ЕВU быў у курсе таго, што выкананая ў гэтым годзе Дунканам Лоўрэнсам, які прадстаўляўНідэрланды, песня Arcade была апублікаваная на YouTube у 2017 годзе, - адзначыў афіцыйны прадстаўнік. - ЕВU хацеў патлумачыць, гэта не было афіцыйным выпускам песні, і аж да апошняга часу гэты [відэаролік песні] ўбачылі толькі некалькі сотняў гледачоў, пакуль гэта не стала вядома перад конкурсам».

Правілы конкурсу «Еўравізіі», датычныя камерцыйнага выпуску песні, працягнуў Гудман, «існуюць для таго, каб перашкаджаць шырокаму распаўсюджванню кожнай песні, бо гэта магло б стварыць несправядлівыя перавагі ў конкурсе». У мінулым, нагадаў ён, былі выпадкі, калі песні выпускаліся, але не станавіліся здабыткам шырокай публікі да ўсталяванага правіламі тэрміну, аднак Рэфэрэнтная група «Еўравізіі» (кіроўны орган конкурсу) дапускала іх да ўдзелу.

«Грунтуючыся на папярэдніх пастановах, Рэфэрэнтная група такім чынам прыйшла да высновы, што апублікаванае ў YouTube відэа не дало Дункану Лоўрэнсу якой-небудзь несправядлівага перавагі падчас конкурсу «Еўравізіі-2019», і песня была дапушчаная да спаборніцтва», - сказаў на заканчэнне Гудман.