Андрэй Шарэнда: Свае 300 спартанцаў ёсць у кожным горадзе Беларусі

Людзі разумеюць, што пара ўжо нешта мяняць у краіне.

Традыцыйная нядзельная акцыя супраць акумулятарнага завода ў Берасці перарасла 19 траўня са звычайнага кармлення галубоў у марш па цэнтры горада. У шэсці ўзялі ўдзел больш за 300 чалавек - у 1,5-2 разы больш, чым звычайна.

Сітуацыю для сайта Charter97.org пракаментаваў прадстаўнік Беларускага Нацыянальнага Кангрэсу ў Берасці, актывіст грамадзянскай кампаніі «Еўрапейская Беларусь» Андрэй Шарэнда:

- Тое, што ў нядзелю на плошчу і шэсце выйшла больш людзей, чым звычайна - гэта адказ берасцейцаў на выяўлены дзякуючы 24-гадзіннай вахце факт падман людзей. Нам стала вядома, што фактычна акумулятарны завод пад Берасцем ужо працуе і ў парушэнне ўсіх законаў выпускае па начах акумулятары. Акрамя таго, ён штодня забруджвае атмасферу - і гэта заўважылі актывісты, якія ўвесь час дзяжураць каля завода.

Таму людзі сабраліся і адказалі на беззаконне ўладаў. Марш у нядзелю паказаў, што людзі сур'ёзна настроеныя на перамены і не збіраюцца сядзець дома. Акрамя таго, на нашых штотыднёвых акцыях усё больш і больш гучаць палітычныя лозунгі: людзі патрабуюць мяняць уладу, якая дапусціла будаўніцтва шкоднага завода побач з горадам. Прычым мяняць на самым высокім узроўні.

300 берасцейцаў на ўчорашняй акцыі ўжо параўналі з 300 спартанцамі цара Леаніда, якія перацялі Фермапілы і выратавалі Грэцыю. Думаю, што такое параўнанне дарэчы. Бо свае 300 спартанцаў ёсць практычна ў кожным беларускім горадзе. Незадаволенасць рэжымам Лукашэнкі збіраецца, свае праблемы - і экалагічныя, і сацыяльныя - ёсць у кожным горадзе, таму тыя працэсы і пратэсты, якія цяпер адбываюцца ў Берасці, рана ці позна перакінуцца на ўсю краіну. Берасце можна разглядаць не толькі як каталізатар аб'ектыўных падзей, якяі, я думаю, адбудуцца ў многіх гарадах Беларусі - калі не ў гэтым годзе, то ў наступным.

Людзі разумеюць, што ўжо «пара». Час нешта мяняць у краіне.

Калі вам спадабаўся артыкул, вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL 97 1160 2202 0000 0002 1671 1123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com