20 лiстапада 2019, Серада, 5:58
Дзень другі
Рубрыкі

Навукоўцы: Штодзённае разгадванне судоку і крыжаванак можа амаладзіць мозг на 8 гадоў

4
Навукоўцы: Штодзённае разгадванне судоку і крыжаванак можа амаладзіць мозг на 8 гадоў

Мозг трэба ўвесь час трэніраваць.

Галаваломкі з лікамі з'яўляюцца эфектыўным сродкам для падаўжэння маладосці мозгу, паказала даследаванне, піша healthinfo.ua.

Навукоўцы з Эксетэраўскага ўніверсітэта і Каралеўскага каледжа Лондана прыйшлі да высновы аб тым, што разгадванне судоку на рэгулярнай аснове дапамагае падоўжыць маладосць мозгу, а таксама эфектыўна абараняе ад развіцця дэменцыі. Довады спецыялістаў апублікаваныя ў Journal of Geriatric Psychiatry.

На карысць меркавання брытанскіх даследчыкаў кажуць вынікі аналізу звестак, якія збіраліся падчас назіранняў за 19 тысячамі чалавек ва ўзросце ад 50 да 93 гадоў. Выявілася, што людзі, якія захапляюцца разгадваннем галаваломак з лікамі, такіх як судоку, дэманструюць у тэстах на мысленне кагнітыўныя здольнасці, якія адпавядаюць больш маладому ўзросту.

Са слоў навукоўцаў, хобі ў выглядзе судоку і крыжаванак «стварае ў мозгу разумовы рэзерв, што дапамагае прадухіліць развіццё старэчай дэменцыі». Штодзённае рашэнне галаваломак з лікамі, згодна з іх разлікамі, амалоджвае мозг агулам на 8 гадоў.

Вядучая аўтарка даследавання Эн Корбет заявіла, што мозг з'яўляецца цягліцай і для лепшай працаздольнасці яе трэба ўвесь час трэніраваць.

«Чым часцей людзі разгадваюць крыжаванкі і рашаюць судоку, тым больш эфектыўна яны спраўляюцца з задачамі, звязанымі з памяццю, увагай і мысленнем», - канстатавала навуковец.