Ізраіль і ХАМАС уклалі перамір'е
- 21.05.2019, 11:48
- 4,512
Пагадненне было ўкладзенае пры пасярэдніцтве Егіпта і ААН.
Ізраіль і палестынскі вайсковы рух ХАМАС, які кантралюе сектар Газа, дамовіліся аб перамір'і на паўгода.
Як паведамляе The Times of Israel, пагадненне было ўкладзенае пры пасярэдніцтве Егіпта і ААН.
Згодна з дасягнутымі дамоўленасцямі, Палестына абавязуецца спыніць беспарадкі на мяжы сектара Газа і Ізраіля, і падтрымліваць буферную зону на 300 метраў уздоўж мяжы.
У сваю чаргу Ізраіль паабяцаў пашырыць рыбалоўную зону для палестынскіх рыбакоў, а таксама дазволіць увозіць у сектар Газа медыкаменты для медыцынскай дапамогі палестынцам.
Таксама Ізраіль і сектар Газа дамовіліся пачаць перамовы аб пытаннях электрычнасці, кантрольна-прапускных пунктаў і аховы здароўя.
Нагадаем, з 3 траўня пачалося новае абвастрэнне канфлікту паміж Ізраілем і Хамасам, а 4-5 траўня бакі выпусцілі адзін па адным сотні ракет.