Стала вядомая юрыдычная падстава для роспуску Вярхоўнай Рады Украіны

Прэзідэнт Украіны заявіў, што для роспуску парламента ёсць і палітычная падстава.

Існуюць як палітычныя, так і юрыдычныя падставы для спынення паўнамоцтваў Вярхоўнай Рады Украіны VIII склікання і прызначэнні датэрміновых парламенцкіх выбараў. Пра гэта на сустрэчы з кіраўнікамі парламенцкіх фракцый 21 траўня заявіў прэзідэнт Украіны Уладзімір Зяленскі, інфармуе ягоная прэс-служба, паведамляе "Гордон".

«Галоўным аргументам для роспуску Вярхоўнай Рады з'яўляецца вельмі нізкі давер грамадзян Украіны да гэтага інстытута - 4%. Гэта ацэнка работы парламента і найбольш важкі аргумент для спынення яго паўнамоцтваў. Я як гарант Канстытуцыі абавязаны гарантаваць правы грамадзян Украіны. Юрыдычная падстава для роспуску - з 2016 года не існавала кааліцыі», - сказаў Зяленскі.

Удзельнікі сустрэчы абмеркавалі дату правядзення датэрміновых выбараў. Яна будзе залежаць ад таго, калі прэзідэнт выдасць указ аб роспуску парламента, адзначылі ў прэс-службе.

Таксама гаворка ішла аб скліканні пазачарговага пасяджэння Вярхоўнай Рады для прыняцця змяненняў у дзейнае выбарчае заканадаўства, зрэшты, аб скасаванні мажарытарнай сістэмы і зніжэнні прахаднога бар'ера да 3%.

На цырымоніі інаўгурацыі 20 траўня Зяленскі абвясціў аб роспуску Вярхоўнай Рады Украіны.