26 студзеня 2020, Нядзеля, 17:26
Засталося зусім крыху
Рубрыкі

Украіна ўводзіць забаронныя мыты на імпарт цэменту з Беларусі

16
Украіна ўводзіць забаронныя мыты на імпарт цэменту з Беларусі
ІЛЮСТРАЦЫЙНАЕ ФОТА

Мыта будзе спаганяцца на працягу пяці гадоў.

Міжведамасная камісія міжнароднага гандлю (МКМГ) у аўторак прыняла пастанову ўвесці антыдэмпінгавыя мыты ў дачыненні да імпарту ва Украіну цэментных клінкераў і портландцэменту ў памеры 114,95% на гэтыя тавары паходжаннем з РФ, са стаўкай 57,03% - з Беларусі і 94,46 % - з Малдовы, паведамляе interfax.by.

«Мыта будзе брацца на працягу пяці гадоў», - гаворыцца ў паведамленні на сайце Міністэрства эканамічнага развіцця і гандлю (МЭРГ) Украіны.

МКМГ устанавіла наяўнасць дэмпінгавага імпарту з гэтых краін на працягу 2015-2018 гг., удакладнілі ў МЭРГ.

«У той жа час долі імпарту цэментных клінкераў і портландцэменту з РФ, Беларусі і Малдовы ў агульным аб'ёме імпарту гэтых тавараў ва Украіну на працягу ўсяго перыяду даследавання пастаянна раслі, што сведчыць пра намер далейшага павелічэння аб'ёмаў дэмпінгавага імпарту з гэтых краін», - патлумачыла МЭРГ .

Як нагадалі ў Мінэканамразвіцця, раней урад увёў эмбарга на імпарт расейскага портландцэменту, гліназёмнага, шлакавага, сульфатастойкага цэменту і падобных гідраўлічных цэментаў, у тым ліку ў выглядзе клінкераў.