Дзіўнае ў справе аб загубе інспектара ДАІ ў Магілёве: пытанні, на якія пакуль няма адказаў

Інфармацыя пра суіцыд міліцыянта кепска тлумачыць сітуацыю здарэння.

20 траўня СК выступіў з афіцыйнай заявай аб справе гібелі інспектара ДАІ ў Магілёве. Нагадаем, 22-гадовы лейтэнант міліцыі Яўген Патаповіч знойдзены застрэленым 16 траўня. 18 траўня інспектара пахавалі. Паводле версіі следчых, супрацоўнік міліцыі скончыў жыццё самагубствам.

Інфармацыя пра суіцыд інспектара не адказвае як мінімум на некалькі пытанняў.

Партал tut.by паспрабаваў сфармуляваць відавочна незразумелыя моманты, пра якія пакуль маўчыць следства.

Спроба суіцыду, пра якую было вядома калегам — - і нуль рэакцыі ад міліцыі?

Вядома ад СК:

У красавіку гэтага года Патаповіч ужо рабіў спробу суіцыду. Следчыя даведаліся, што 1 красавіка ён падрыхтаваў паведамленні аб суіцыдальных намерах сябрам і калегам - і частку з іх нават разаслаў.

«У красавіку - спроба суіцыду, адпраўленыя паведамленні. Агледжаны тэлефон, уліковы запіс і іншае» - кажа ў фэйсбуку афіцыйная прадстаўніца СК Юлія Ганчарова.

Незразумела:

Чаму інспектар, хацеў скончыць жыццё самагубствам і нават зрабіў спробу суіцыду, але працягваў несці службу і меў пры сабе зброю? Ці ведала пра гэта ягонае кіраўніцтва, чаму не былі прыцягнутыя ведамасныя псіхолагі, а Патаповіч не быў адхілены ад працы да нармалізацыі стану?

Гісторыя з чорнай «Волгай»

Вядома:

А 18.27 16 траўня лейтэнант даслаў калегам паведамленне на Viber: "Тэрмінова. Чорная «Волга». Тры цыганы. Рэгістрацыйны знак – расейскі». Пасля гэтага ён знік з табельнай зброяй. Яшчэ праз некаторы час забітага інспектара знайшлі пад Магілёвам.

Вядома ад СК:

Са слоў прадстаўнікоў СК, версія аб выкраданні невядомымі на чорнай «Волзе» не пацвердзілася. Былі канфіскаваныя і прааналізаваныя запісы з відэакамер, устаноўленых на вуліцах Крупскай і Першамайскай у Магілёве. Гэта два маршруты, якімі можна даехаць ад месца знікнення інспектара да месца выяўлення ягонага цела. У перыяд з 18 да 21 гадзін 16 траўня чорную «Волгу» камеры не зафіксавалі.

Незразумела:

Для чаго Патаповіч задумаў гісторыю з чорнай «Волгай»?

Неафіцыйна:

«Паведамленне ён напісаў менавіта для таго, каб усе думалі, што яго забілі... накіраванае паведамленне ў вайбер-чат менавіта для таго было, каб: 1. палегчыць пошук цела, 2. накіраваць вышук на праверку забойства як асноўнай версіі падзей... замест месца ДТЗ ён самастойна выехаў туды ў лес, куды загадзя на сваім аўто (сляды яго аўто зафіксаваныя) прывёз набытыя ў краме прадметы. Пры гэтым камеры назірання ДАІ адгледжаныя, і ніякай «Волгі» не было зафіксавана», — тлумачыць у фэйсбуку афіцыйная прадстаўніца СК Юлія Ганчарова. Адказваючы на пытанне, у чым сэнс маскаваць самагубства пад забойства, Ганчарова заўважыць: "Ёсць некалькі варыянтаў. Прававыя наступствы розныя пасля забойства і пасля самагубства. У тым ліку для блізкіх».

Следства намякае на выплаты, якія належаць сям'і загінулага супрацоўніка, і якія не належаць — сям'і суіцыдніка?

Навошта зашчэпліваць на руках кайданкі перад суіцыдам і адкуль кроў на бялізне?

Вядома ад СК:

Ніякіх слядоў барацьбы або гвалту, акрамя агнястрэльнай ранены, на целе Патаповіча не выяўлена. На правай руцэ лейтэнанта засталася кроў... рукі Патаповіча сапраўды былі закутыя ў кайданкі, аднак ён мог зрабіць гэта сам, таксама поза рук дазваляла самастойна зрабіць стрэл у галаву з табельнага пісталета, знойдзенага ля цела. З 16 патронаў у двух набоях засталося 15.

Незразумела:

На фота з месца забойства, распаўсюджанага тэлеграм-каналам NEXTA, у пахвіне супрацоўніка бачныя сляды крыві. Адкуль яны?

Неафіцыйна:

«Толькі кулявая рана ў галаву і кроў, якая сцякла ў вобласць пахвіны. Кроў на руках — пырскі ад стрэлу ў галаву» — патлумачыла ў фэйсбуку афіцыйная прадстаўніца СК Юлія Ганчарова.

Дровы і рыдлёўка

Вядома ад СК:

Следствам устаноўлена, што пад 11 раніцы 16 траўня лейтэнант Патаповіч купляў у краме дровы, рыдлёўку і вадкасць для распальвання. Гэта ж было знойдзена каля цела. Вядома, што інспектар удзень 16 траўня пабываў на месцы, дзе пазней яго знайшлі.

Незразумелы:

Для чаго Патаповіч купіў дровы, вадкасць для распальвання і рыдлёўку? Хацеў здзейсніць самаспаленне, а потым перадумаў, зашчапіў на руках кайданкі і стрэліў сабе ў галаву?

Штаны

Вядома:

Мяркуючы з фота з месца гібелі, на інспектары, які ўчыніў суіцыд, няма абутку і штаноў.

Незразумела:

Чаму?

Неафіцыйна:

«Нагавіцы былі ім спаленыя там, на месцы, з дапамогай набытай вадкасці для распальвання», - тлумачыць Ганчарова.

Навошта?

«Шмон» у цыганскім раёне Магілёва

Вядома:

Вечарам і ўночы 16 траўня ў мікрараёне Чапаеўка ў Магілёве, з паведамленняў мясцовых жыхароў, была масавая зачыстка. Дзясяткі прадстаўнікоў дыяспары павезлі ў РАУС, некаторых пратрымалі больш за 24 гадзіны.

Афіцыйна ад СК:

«У якасці падазраваных прадстаўнікі этнічнай меншасці не затрымліваліся».

Незразумела:

Што гэта было? Можна меркаваць, што міліцыя, арыентуючыся на версію выкрадання інспектара «трыма цыганамі на «Волзе» праводзіла аператыўна-вышуковыя мерапрыемствы, пра суіцыд у той момант ёй яшчэ не было вядома. «Супрацоўнікі органаў унутраных спраў зробяць усё, каб тыя, хто ўчыніў гэтае подлае злачынства, паўсталі перад судом. Пакаранне павінна быць адэкватнае зробленаму», - яшчэ на наступны дзень каментавалі ў МУС гібель інспектара.

Неафіцыйна:

«Міліцыя адпрацоўвала ў рамках адной з версій» — патлумачыла Ганчарова ў Фэйсбуку.

Будзем спадзявацца, што па заканчэнні следства наконт справы кампетэнтныя органы раскажуць усё аб дзіўных абставінах і прычынах смерці міліцыянта.