25 чэрвеня 2019, aўторак, 19:47
Мы ў адной лодцы
Рубрыкі

Менскае «Дынама» страчвае топавых беларускіх хакеістаў

7

Як яны гулялі, і што з імі будзе?

А нацыянальная каманда знойдзе?

Пакуль што навіны з менскага «Дынама» не выклікаюць аптымізму. Пэўнасці з трэнерам няма, бюджэт скарачаецца, а найлепшыя гульцы сыходзяць. У наступным сезоне жжэрсі «зуброў» дакладна не надзенуць нападнік Дзмітрый Буйніцкі, а таксама абаронцы Крысціян Хенкель і Яўген Лісавец. «Трыбуна» разбіраецца, што адбываецца.

Як яны гулялі?

Лісавец перайшоў у «Дынама» з роднага «Нёмана» ў 2013 годзе. Тады ў клубе ўпершыню надумалі выпрабаваць легіянерскую формулу «6 + 1» і масава завезлі гульцоў з АЧБ. 18-гадовы абаронца стаў адным з іх. У першым сезоне Лісавец правёў усяго пяць матчаў, у асноўным гуляючы ў Гародні. А пасля абаронцу пачалі давяраць і ў Менску. І ён не падвёў. Лісавец стаў адным з лідараў «Дынама» і зборнай, а ў 2017 годзе яго прызналі найлепшым гульцом Беларусі.

Ён не абаронца-дамасед, а прымае актыўны ўдзел у нападах, закрывае сінюю лінію і гуляе ў большасці. Такіх гульцоў яшчэ называюць пакмуверамі, якіх у Беларусі заўсёды дэфіцыт. У мінулым сезоне Лісавец з 24 (7+17) баламі замкнуў топ-5 бамбардзіраў "Дынама". Вось толькі паказчык карыснасці не вельмі радуе - "-7". Зрэшты, для абаронцы каманды-аўтсайдэра гэта нармальная справа. З гэтага часу Лісавец з'яўляецца гульцом «Салавата Юлаева», з якім падпісаў двухгадовы кантракт.

У сезоне-2018/19 у пары з Лісаўцом часта гуляў Крысціян Хенкель. Галоўны немец беларускага хакея пачынаў хакейны шлях у нападзе, а ўжо пасля перакваліфікаваўся ў абаронцу. Магчыма, гэта абумовіла яго манеру гульні. Хенкель, як і Лісавец, накіраваныя на атаку. Ён добра валодае шайбай: у мінулым абаронца стаў найлепшым у дакладнасці перадач (84%), а ў студзені лідар паводле адсоткаў удалых абводак (83%).

У «Дынама» Крысціян перайшоў пасля ЧС-2016 і адразу ж не згубіўся ў камандзе. У мінулым сезоне ён набраў 18 (4+14) балаў і стаў трэцім бамбардзірам-абаронцам «зуброў» пасля Лісаўца і Уіркоша. А яшчэ стаў другім паводле паказчыку карыснасці «+3» у гэтай графе. Але галоўнай падзеяй мінулага сезону для 23-гадовага абаронцы стаў выклік Матч зорак КХЛ, а заадно паспрабаваў сябе ў якасці блогера. Хутчэй за ўсё, аўтарка «бяззубых улогаў» пяройдзе ў «Ак Барс».

Дзмітрый Буйніцкі ўпершыню апынуўся ў галоўнай камандзе «Дынама» ў канцы сезона-2014/15. Тады ён быў адзіным «зубром»-масачнікам і стаў самым маладым гульцоў «бела-сініх» за ўвесь час выступу ў КХЛ. Падчас наступнага сезона нападнік наважыў паспрабаваць свае сілы ў юніёрскіх лігах Паўночнай Амерыкі і затрымаўся за акіянам на паўтара года, а пасля вярнуўся ў «Дынама».

22-гадовы форвард па-сапраўднаму раскрыўся ў мінулым сезоне. Буйніцкі атрымліваў не так шмат айстайма - усяго па 12 хвілін. Затое часта гуляў у першым звяне. Нападнік паказаў добры кідок і з дзесяццю шайбамі ўвайшоў у пяцёрку снайпераў «Дынама». Гэта пры тым, што больш за 20 матчаў Буйніцкі прапусціў праз траўмы. Але нават яны не перашкодзілі нападніку стаць найлепшым ва ўдалых абводках - 1,39 за гульню. Дзмітрый ужо падпісаў трохгадовы кантракт з магнітагорскім «Металургам».

«Дынама» за іх змагалася?

Без перамоў нікога не адпусцілі. Са слоў генеральнага дырэктара «Дынама» Дзмітрыя Баскава, «Магнітка» зрабіла прапанову Буйніцкаму ў шэсць разоў вышэйшую за дынамаўскую - перабіць яе «зубры» не змаглі. Зрэшты «Металург» выплаціў менчукам кампенсацыю. Калі верыць Міхаілу Захараву, яна склала мільён даляраў.

Хенкеля і Лісаўца менчукі таксама не адпусцілі проста так. Баскаў запэўніваў, што абаронцам зрабілі выдатныя прапановы. Паводле рэгламенту КХЛ «зубры» маглі перабіць прапановы «Ак Барса» і «Салавата Юлаева», але рабіць гэтага не сталі. Пастанова адпусціць хакеістаў цяжка далося генеральнаму дырэктару. Як амбіцыйны мэнэджар, ён хацеў захаваць лідараў, але ў той жа час не хацеў разбіваць іх мары.

Гэта пойдзе на карысць?

«Дынама» дакладна не. Мінчане страцілі адных з найлепшых беларускіх абаронцаў - якаснага рэзерву ў нас мала. Пры гэтым «зубры» паменшылі легіянерскую квоту да чатырох палявых гульцоў, а бюджэт клуба скараціўся ў паўтара раза. Запоўніць прабоіны якаснымі гульцамі будзе складана. Можна падпісаць расейцаў, якія не падпадаюць пад ліміт, але мала хто з іх пагодзіцца гуляць на такіх умовах. Той жа Цярэшчанка доўга сядзеў без клуба, таму і прыняў прапанову «Дынама».

З хакеістамі пытанне спрэчнае. Беларусы цяпер не легіянеры, таму могуць прэтэндаваць на месца ў складзе нароўні з расейцамі. У той жа час вытрымаць канкурэнцыю ў топ-клубах складана. Шмат што залежыць ад таго, якія кантракты прапанавалі Буйніцкаму, Лісаўцу і Хенкелю: пры двухбаковых першапачаткова іх могуць адправіць у фарм-клубы ў ВХЛ. Калі прабіцца ў лік асноўных гульцоў усё ж атрымаецца, шлях ад топ-клубаў КХЛ да Паўночнай Амерыкі не такі ўжо і доўгі.

Нельга адназначна сказаць і наконт нацыянальнай каманды. Беларусы будуць канкураваць з моцнымі гульцамі - гэта плюс. Але яны могуць не прабіцца ў склад і апынуцца ў фарм-клубах. Затое ў складзе «Дынама» будзе магчымасць залучыць новых маладых гульцоў. Умоўныя Бакун і Ліцвінаў змогуць атрымаць больш гульнявога часу. Аб гэтым ужо сказаў Баскаў.

«Прыемна, што «Дынама», якое створанае, каб спрыяць прагрэсу нашых хакеістаў, традыцыйна служыць трамплінам для таленавітых беларусаў. «Зубры» адкрылі для КХЛ Корабава і Стася, паспрыялі траплянню на драфт НХЛ Ягора Шаранговічу, зусім нядаўна адпусцілі ў топ-клуб Буйніцкага... пры гэтым у нас цяпер вызваляюцца пазіцыі для новых імёнаў. Чакаем, што ўжо ў наступным сезоне ўбачым у складзе такіх жа Лісаўцоў і Хенкеляў, здольных заявіць пра сябе і вырасці ў высакакласных выканаўцаў. Тым больш, як паказваюць апошнія юніёрскія і моладзевыя чэмпіянаты свету, таленты ў краіне ёсць» – з аптымізмам глядзіць у будучыню генеральны дырэктар «Дынама».