Аўто з Еўропы: колькі каштуе размытнёўка для звычайных грамадзян і для ільготнікаў
9- 22.05.2019, 10:31
- 32,244
Як сёння разлічваюцца ўвазныя аплаты ў Беларусі.
Купля аўто за мяжой была ў Беларусі масавай з'явай гадоў 10-15 таму - тады гэта было выгадна. Потым з'явіліся падаткі, якія зрабілі зусім нецікавым увоз патрыманых аўто з усіх краін за выключэннем Расеі, на якую падаткі не распаўсюджваліся. Myfin.by паглядзеў, колькі каштавацьме размытнёўка для звычайных грамадзян і для ільготнікаў.
Як сёння разлічваюцца ўвазныя аплаты ў Беларусі
Цяпер сума ўвазных мытных аплатаў для фізічных асоб разлічваецца на падставе трох крытэраў:
- узросту аўто - старыя даражэйшыя;
- аб'ёму рухавіка - малалітражкі таннейшыя;
- коштам пакупкі за мяжой – наўпроставая прапорцыя, чым даражэйшае аўто, тым большы падатак.
Для аўто, старэйшых за 3-х гады, выкарыстоўваюцца першыя два пункты. Кошт 1 кубічнага сантыметра аб'ёму рухавіка - ад 1,5 да 5,7 еўра. Агульная тэндэнцыя - старэй і аб'ёмней – значыцца, даражэй.
Падатак на аўто з годам выпуску да 3 гадоў залежыць ад кошту набыцця і аб'ёму:
- на аўто, таннейшыя за 8 500 еўраў - 54% ад пакупнога кошту, але не менш за 2,5 еўра за 1 см3 аб'ёму рухавіка;
- на аўто, даражэйшыя за 8 501 еўра - 48%, але не менш чым 3,5 еўра за 1 см3;
- даражэйшыя за 16 701 еўра - 48%, не менш 5,5 еўра за 1 см3;
- даражэйшыя за 42 301 еўра - 48%, не менш 7,5 еўра за 1 см3;
- даражэйшыя за 84 510 еўраў - 48%, не менш за 15 еўраў за 1 см3;
- даражэйшыя за 169 тысяч еўраў - 48% і не менш за 20 еўраў за 1 см3.
Запамінаць гэтыя лічбы і лічыць уручную не абавязкова, у сетцы ёсць мноства онлайн-калькулятараў. Дастаткова зразумець, што цяпер за ўвоз трэба плаціць ад паловы кошту аўто і даражэй.
Рынак пачаў працаваць у новых рэаліях, з'явілася маса афіцыйных дылераў новых аўто, старыя аўто пачалі прадаваць на ўнутраным рынку або ўвозіць з РФ.
Парушыў раўнавагу Указ №140 ад 10 красавiка 2019 года, а дакладней адна з яго норм, якая зніжае ўвазныя мыты на 50% для інвалідаў I і II груп і шматдзетных.
Што гэта значыць для канкрэтных машын?
Возьмем некалькі мадэляў аўто з рознымі параметрамі. Для разліку скарыстаемся мытным калькулятарам.
Volkswagen Vw Lupo1.0 benzin
- аўто 2000 года выпуску;
- аб'ём рухавіка - 1000 кв.гл.;
- кошт у Нямеччыне - 500 еўраў ($559);
- поўны кошт размытнёўкі ў Беларусі - 3 000 еўраў.
- льготная размытнёўка - 1 500 еўраў.
У Беларусі такія аўтамабілі прадаюцца за $2 000-3 000.
Увозіць нават з паловай падатку нявыгадна.
Volkswagen Passat 2.0 FSI Comfortline
- год выпуску - 2005;
- аб'ём рухавіка - 1 984 кв.гл.
- кошт у Нямеччыне 3 790 еўраў ($4 239)
- поўны кошт размытнёўкі ў Беларусі - 9 523 еўры.
- ільготная размытнёўка - 4 761,5 еўра.
Кошт у Беларусі - $5 500 - 6 500.
Увозіць гэты аўтамабіль у Беларусь таксама не выгадна нават з льготнай мытай.
Renault Scenic III Expression
- год выпуску - 2010;
- аб'ём рухавіка - 1 598 кв.гл.
- кошт у Нямеччыне 5 990 еўраў ($6 700)
- поўны кошт размытнёўкі ў Беларусі - 5 593 еўры.
- ільготная размытнёўка - 2 796,5 еўра.
Кошт у Беларусі - блізу $8 000.
Вынік той жа - увоз невыгодны нават пры наяўнасці ільгот.
Пошук і параўнанне можна прадоўжыць. Аднак практычна ўсе аўтамабілі, якія масава прадаюцца ў Беларусі, танней купіць на ўнутраным рынку, чым увозіць з размытнёўкай.
Якая выгада ад ільгот у размытнёўцы?
Цяжкае пытанне, улічваючы, што размытнёўка павялічвае кошт сярэдняга аўто прыкладна ў паўтара разы, а льготная - на чвэрць.
У такой сітуацыі спрацоўваюць рынкавыя механізмы: аўтадылеры легальна ўвозяць у краіну больш танныя аўто з Расеі, кошты на другасным рынку таксама арыентуюцца на Расею і кошт новых машын.
Таму ўвоз аўтамабіляў з размытнёўкай агулам нявыгадны для большасці катэгорый аўто.
Аднак з гэтага правіла таксама ёсць выключэнні. Аўтамабіль, які выгадна купляць за мяжой з выплатай мыты павінен адказваць двум крытэрам:
- мець малы аб'ём рухавіка;
- быць маладзейшым за 3-ы гады.
Яшчэ адзін варыянт - везці ў Беларусь аўто, якія тут яшчэ не прадаюцца.
Тое, што інвалідам і шматдзетным сем'ям спатрэбяцца менавіта такія аўтамабілі - вельмі сумнеўна, гэта не самыя танныя для айчыннага аўтарынка варыянты.
Нагадаем, што сярэднедушавы даход шматдзетных сем'яў звычайна ніжэйшы сярэдняга, а сацыяльная пенсія інваліда I групы 246,42 руб, II групы - 190,42 руб без уліку надбавак.
Яшчэ адна патэнцыйная выгада - «гандляваць ільготай»: хоць машыну з мытай 50% можна ўвозіць толькі для асабістага карыстання, далейшых абмежаванняў законам не вызначана. Але і гэта не занадта проста. Аформіць аўтамабіль на падставе даверанасці не выходзіць, ужо з'явіліся водгукі, што мытня патрабуе асабістай прысутнасці ільготніка.