Партыя «Слуга народа» абрала лібертарыянства асновай сваёй ідэалогіі

Дарадца Зяленскага распавёў аб ідэалогіі партыі прэзідэнта Украіны.

Дарадца прэзідэнта Украіны Уладзіміра Зяленскага, яго прадстаўнік у Вярхоўнай Радзе Руслан Стэфанчук заявіў, што асновай ідэалогіі партыі «Слуга Народа» з'яўляецца лібертарыянства.

Пра гэта ён заявіў у інтэрв'ю LB.ua.

«У аснове ідэалогіі нашай партыі - ляжыць ідэалогія лібертарыянства... Мы з гэтага пачалі фармаваць нашы з ім [Зяленскім] адносіны - ліберальная мадэль эканомікі, ліберальная мадэль адносін з адпаведнымі нацыянальнымі асаблівасцямі», - сказаў ён.

Са слоў Стэфанчука, партыя «Слуга Народа» не ставіць сабе за мэту барацьбу за электарат. Яе падыход - прапанаваць адкрытую, адказную і зразумелую палітыку.

Ён дадаў, што пытанне першай пяцёркі, якая павядзе Слугу народа на выбарах у Вярхоўную Раду, пакуль не абмяркоўвалася.

«Першая пяцёрка, мне здаецца, будзе фармавацца прадстаўнічымі прынцыпамі, а далей будзе ўплываць і комплексны адбор», - сказаў ён.