ВУП Польшчы ў 2019 годзе вырасце да 4,2%
1- 23.05.2019, 11:19
- 8,806
Арганізацыя эканамічнага супрацоўніцтва і развіцця падвысіла прагнозы росту ВУП краіны.
Арганізацыя эканамічнага супрацоўніцтва і развіцця - міжнародная эканамічная арганізацыя развітых краін, якія прызнаюць прынцыпы прадстаўнічай дэмакратыі і свабоднай рынкавай эканомікі, падвысіла прагнозы росту ВУП Польшчы на 2019 год да 4,2 адсотка, а да 2020 года - да 3,5 адсотка, тым самым прысвоіўшы краіне пазіцыі глабальнага лідара сярод 36 краін АЭСР. Гэта адзначыў прэм'ер-міністр Польшчы Матэвуш Маравецкі, паведамляе «Радыё Польшча».
Згодна з АЭСР, негатыўным чыннікам рызыкі для польскай эканомікі з'яўляецца памяншэнне прытоку імігрантаў. Ключавым, у сваю чаргу, станоўчым чыннікам з'яўляецца паскарэнне росту прыватнага спажывання праз павелічэнне заробку.