Болтан заявіў пра неабходнасць аднавіць амерыканскае лідарства ў Арктыцы
3- 23.05.2019, 12:06
- 7,079
Са слоў дарадцы Трампа, амерыканцы - гэта арктычная нацыя са сваімі інтарэсамі ў рэгіёне.
Выступаючы перад выпускнікамі Акадэміі берагавой аховы ў Нью-Лондане ў штаце Канэктыкут 22 траўня памочнік прэзідэнта ЗША ў нацыянальнай бяспецы Джон Болтан выказаў меркаванне, што яны дапамогуць пракласці ЗША шлях да "аднаўлення амерыканскага лідарства" у Арктыцы. Пра гэта паведамляе Associated Press (пераклад - gordonua.com).
Ён падкрэсліў, што на Арктыку "незаконна замахваецца" Кітай, там таксама ўзмацняецца расейскі вайсковы ўплыў.
Болтан заявіў, што ЗША - гэта "арктычная нацыя" са сваімі нацыянальнымі інтарэсамі ў гэтым рэгіёне. Ён адзначыў, што як і арктычныя хаўруснікі і партнёры, Злучаныя Штаты хочуць, каб Крайняя Поўнач была рэгіёнам нізкай напружанасці.
Ён дадаў, што ЗША трэба захаваць кіраванне Арктыкай для арктычных краін.
У гэтым месяцы дзяржаўны сакратар Злучаных Штатаў Майк Пампэа заявіў, што Арктыка стала рэгіёнам, дзе канкуруюць розныя краіны, у тым ліку Расея і Кітай. Ён назваў паводзіны Расеі і Кітая агрэсіўным і адзначыў, што Злучаныя Штаты павінны ўзмацніць сваю прысутнасць у Арктыцы.
Пампэа папярэдзіў, што ЗША будуць нарошчваць сваю дыпламатычную і вайсковую прысутнасць у Арктыцы, сярод іншага адновяць ледакольны флот.