Зяленскі: УСУ павінны стаць на адзін узровень з найлепшымі войскамі свету
2- 23.05.2019, 13:22
- 10,855
ФОТА: ПРЭС-СЛУЖБА ПРЭЗІДЭНТА УКРАІНЫ
Прэзідэнт Украіны распавёў пра задачы новага кіраўніка Генштаба УСУ.
Прэзідэнт Украіны Уладзімір Зяленскі чакае ад кіраўніка Генштаба УСУ Руслана Хомчака ўкаранення заходніх стандартаў у войску.
Пра гэта прэзідэнт напісаў у Twitter, паведамляе nv.ua.
«Чакаю, што з прыходам генерала Хомчака ў нашым войску будзе штодня заставацца ўсё менш савецкага, на справе будуць укараняцца заходнія стандарты. Узброеныя сілы Украіны павінны стаць на адзін узровень з найлепшымі войскамі свету», - напісаў Зяленскі.
Очікую, що з приходом генерала Хомчака у нашій армії щодня залишатиметься дедалі менше радянського, натомість на ділі впроваджуватимуться західні стандарти. Збройні сили України мають стати в один рівень з найкращими арміями світу.
— Володимир Зеленський (@ZelenskyyUa) 23 мая 2019 г.
21 траўня прэзідэнт Зяленскі прызначыў кіраўніком Генштаба УСУ генерала Руслана Хомчака.
Іншым указам ён звольніў з гэтай пасады генерала войска Віктара Мужэнку.
Хомчак ужо анансаваў кадравыя змены ў Генштабе.
Генерал-лейтэнант Хомчак - удзельнік вайны на Данбасе, экс-начальнік штаба Наземных войскаў УСУ (2016-2017 гады).
З лютага 2017 года і да прызначэння начальнікам Генштаба УСУ займаў пасаду галоўнага інспектара Міністэрства абароны.
