Кіраўнік Нацбанку Польшчы: Многія краіны ў зоне еўра захапляюцца вынікамі працы польскай эканомікі

Адам Гляпіньскі выступіў супраць пераходу Польшчы на еўра.

Старшыня Нацыянальнага банка Польшчы прафесар Адам Гляпіньскі заявіў, што датуль, пакуль ён будзе ўзначальваць НБП, Польшча не пяройдзе на еўра: «Гэта нельга абгрунтаваць ні палітычнымі, ні эканамічнымі меркаваннямі. І замест умацавання пазіцый Польшчы прывяло б да іх паслаблення. Цяпер многія краіны ў зоне еўра захапляюцца вынікамі працы нашай эканомікі. А таксама зайздросцяць таму, што ў нас, у адрозненне ад іх, ёсць большае поле для манеўраў у макраэканамічнай палітыцы», паведамляе «Радыё Польшча».

Прафесар Адам Гляпіньскі падкрэсліў, што адмова ад магчымасці правядзення незалежнай грашова-крэдытнай палітыкі прычыніла б шкоду эканоміцы Польшчы.

Кіраўнік НБП не пагадзіўся з аргументам некаторых прыхільнікаў еўра пра тое, што варта ўзяць на сябе эканамічныя выдаткі, звязаныя з прыняццем гэтай валюты, каб умацаваць бяспеку Польшчы і палепшыць яе міжнародныя пазіцыі.

Кіраўнік НБП дадаў, што ўвядзенне еўра нявыгаднае не толькі для больш бедных краін на поўдні Еўропы, але і для багатых эканомік. Ён таксама падкрэсліў, што прыняцце еўра немагчымае без змены канстытуцыі РП.