Відэафакт: Выйшаў першы трэйлер новага «Тэрмінатара»
11- 23.05.2019, 18:12
- 17,159
У новай частцы фільма з'явіцца і Арнольд Шварцэнэгер.
Студыя 20th Century Fox паказала першы трэйлер фільма «Тэрмінатар: Цёмныя лёсу». Гэта працяг кінасерыялу пра супрацьстаянне людзей і робатаў. У новай частцы не ўлічваюцца падзеі трэцяга, чацвёртага і пятага «тэрмінатараў» (як і серыял пра Сару Конар). Прадзюсарам «Цёмных лёсаў» выступіў Джэймс Кэмеран, які зняў першыя два фільмы ў серыі. Карціну паставіў рэжысёр «Дэдпула» Цім Мілер, піша «Медуза».
У «Цёмных лёсах» знялася Лінда Хэмілтан - выканаўца ролі Сары Конар у стужках Джэймса Кэмерана. У новым «Тэрмінатары» з'явіцца і Арнольд Шварцэнэгер. Яго месца ў сюжэце пакуль не раскрываецца.
Фільм раскажа пра новае пакаленне тэрмінатараў. Сары Конар трэба будзе перамагчы яшчэ аднаго робата, які нагадвае вадкага T-1000 з «Суднага дня». Па сюжэце Конар дапамагае дзяўчыне з сінтэтычнай скурай (магчыма, таксама Тэрмінатару), якая абараняе адну з гераінь.
Вось як выглядае постэр фільма.
Welcome to the day after Judgment Day. Check out the official poster for #TerminatorDarkFate. Teaser trailer tomorrow. pic.twitter.com/dXeAwYrsAi
— Terminator: Dark Fate (@Terminator) May 22, 2019