Курт Волкер пра інаўгурацыю Зяленскага: Ёсць акно магчымасцяў

Спецпрадстаўнік Дзярждэпу ЗША распавёў Трампу пра паездку ва Украіну.

Існуе акно магчымасцяў для прасоўвання агульных інтарэсаў Украіны і ЗША. Пра гэта напісаў у Twitter спецпрадстаўнік Дзярждэпартамента ЗША па Украіне Курт Волкер, піша liga.net.

Са слоў Волкера, ён паінфармаваў адміністрацыю прэзідэнта Дональда Трампа пра паездку на інаўгурацыю Уладзіміра Зяленскага.

«Сакратар Пэры, пасол Сондланд, сенатар Джонсан і я паінфармавалі Белы дом пра ўражанні ад нашай паездкі ва Украіну на інаўгурацыю прэзідэнта Зяленскага. Існуе акно магчымасцяў для прасоўвання агульных інтарэсаў Украіны і ЗША», - напісаў Волкер.