Праеўрапейскія партыі перамаглі папулістаў на выбарах у Еўрапарламент у Нідэрландах

Апублікаваныя вынікі экзіт-полаў.

Праеўрапейскія партыі ў Нідэрландах, як чакаецца, атрымаюць абсалютную большасць месцаў у Еўрапейскім парламенце, у той час як іх апаненты - правыя папулісты прэтэндуюць усяго на 4 з 26 месцаў ад краіны.

Як паведамляе "Европейская правда", пра гэта сведчаць звесткі экзіт-полу службы Ipsos, праведзенага для нідэрландскага вяшчальніка NOS.

Апублікаваныя ў чацвер вечарам звесткі апытанняў выбаршчыкаў аддалі першае месца сацыял-дэмакратычнай «Партыі працы», якую ўзначальвае віцэ-прэзідэнт Еўракамісіі Франс Цімерманс. Такі вынік партыі з'яўляецца нечаканым, бо да выбараў у апытаннях лідаравалі яе апаненты - папулісты-еўраскептыкі.

За партыю прагаласавалі 18,4% выбаршчыкаў, а гэта азначае, што палітычная сіла падвоіла свой вынік у параўнанні з выбарамі 2014 года. Партыя прэтэндуе на 5 месцаў у парламенце.

Па 4 месцы атрымаюць «Народная партыя за свабоду і дэмакратыю» прэм'ер-міністра Марка Рутэ і «Хрысціянска-дэмакратычны заклік» Сібранда ван Хаарсма Бюма.

Ультраправая партыя «Форум за дэмакратыю», што лідаравала да выбараў у апытаннях, здабывае 11,2% галасоў выбаршчыкаў і можа прэтэндаваць толькі на 3 мандаты. Партыя вядомая сваёй ініцыятывай аб рэферэндуме што да Пагаднення аб асацыяцыі Украіна-ЕЗ.

Значную паразу атрымала правая «Партыя свабоды» Герта Відлдэрса. Яна страціла тры з чатырох месцаў у Еўрапарламенце.

Паводле звестак экзіт-полу, прыход выбаршчыкаў вырас: блізу 41,2% выбаршчыкаў, якія маюць права голасу ў Нідэрландах, прышлі на ўчасткі ў параўнанні з 37,3% у 2014 годзе.

Нагадаем, напярэдадні нідэрландскія і брытанскія выбаршчыкі пачалі галасаванні ў першы з чатырох дзён на выбарах у Еўрапейскі парламент, якія адбываюцца ва ўсіх 28 краінах ЕЗ. У Брытаніі экзіт-пол не праводзіўся.

Афіцыйныя вынікі будуць абвешчаныя толькі пасля закрыцця апошняга выбарчага ўчастка ў ЕЗ у нядзелю ўвечары.