ЗША выставілі Асанжу абвінавачванні паводле 17 новых пунктаў

Заснавальніку WikiLeaks пагражае да 175 гадоў пазбаўлення волі.

Улады ЗША выставілі абвінавачванні на падставе 17 новых пунктаў заснавальніку партала WikiLeaks Джуліану Асанжу. Зрэшты, 47-гадовага ўраджэнца Аўстраліі абвінавачваюць у незаконным атрыманні і апублікаванні засакрэчаных дакументаў, якія маюць дачыненне да нацыянальнай абароны, гаворыцца ў заяве міністэрства юстыцыі ЗША, апублікаванай у чацвер, 23 траўня. Калі Асанжа выдадуць ЗША і там яго прызнаюць вінаватым паводле ўсіх 18 пунктаў, заснавальніка WikiLeaks могуць прысудзіць да 175 гадоў пазбаўлення волі, паведамляе dw.com.

У сваю чаргу адвакат Джуліяна Асанжа назваў «беспрэцэдэнтныя абвінавачанні» на адрас свайго падабароннага «пагрозай для ўсіх журналістаў».

Арышт у пасольстве Эквадора

Паліцыя Вялікай Брытаніі 11 красавіка арыштавала Джуліяна Асанжа ў пасольстве Эквадора. Паліцыянты паказалі ордэр, выдадзены ў чэрвені 2012 года за не прыход Асанжа на судовае паседжанне згодна з пазовам. Амерыканская дзяржава, у дыппрадстаўніцтве якой хаваўся заснавальнік WikiLeaks, пазбавіла яго прытулку, спасылаючыся на парушэнне міжнародных канвенцый. 1 траўня суд у Лондане прысудзіў яго да 50 тыдняў пазбаўлення волі.

Брытанскія праваахоўнікі пацвердзілі, што Асанжа арыштавалі яшчэ і на падставе афіцыйнага запыту ЗША аб яго выдачы. У Злучаных Штатах заснавальніка WikiLeaks вінавацяць у змове з экс-аналітыкам вайсковай выведкі ЗША Чэлсі Мэнінг, якая дала яму звесткі аб амерыканскіх аперацыях у Іраку і Афганістане і ўжо была асуджаная за гэта.

У Швэцыі зноў распачалі справу ў дачыненні да Асанжа

Прытулак выкрывальніку з гуманітарных меркаванняў надаў у 2012 годзе тагачасны прэзідэнт Эквадора Рафаэль Карэа. Асанж схаваўся ў пасольстве Эквадора, баючыся арышту і экстрадыцыі ў Швэцыю паводле абвінавачвання ў згвалтаванні. Пасля органы юстыцыі каралеўства спынілі папярэдняе расследаванне. У траўні 2019 года пракуратура Швэцыі зноў адкрыла крымінальную справу ў дачыненні да стваральніка WikiLeaks і запытала еўрапейскі ордэр на ягоны арышт.