Жыхары Нідэрландаў знялі «цягнік» са спадарожнікаў Ілана Маска
38- 25.05.2019, 11:56
- 43,166
Відовішча ўражвае.
Нідэрландскія назіральнікі зазнялі з Зямлі рух па арбіце "цягніка" з 60 спадарожнікаў сувязі Starlink кампаніі SpaceX Ілана Маска.
Спадарожнікі Starlink былі запушчаныя 24 траўня з амерыканскага касмадрома на мысе Канаверал з дапамогай ракеты-носьбіта Falcon-9.
Відэа начнога перамяшчэння ў космасе "цягніка" з 60 спадарожнікаў Starlink апублікаваў у Twitter жыхар Нідэрландаў Марка Лангбрук, піша ria.ru.
«Ух ты! Толькі што меў надзвычайны від на "цягнік" з спадарожнікаў SpaceX Starlink нада мною! Фантастычна!» – напісаў ён у Twitter.
Voor wie straks wakker is en het diep in de schermering nog eens wil proberen: passage rond 4:10 NL tijd van het Starlink satelliet "treintje": pic.twitter.com/ZUEdVlfiWy
— Dr Marco Langbroek (@Marco_Langbroek) May 25, 2019
Яшчэ адно начное відэа "цягніка" апублікаваў у Twitter іншы галандзец Сеес Баса.
An absolutely fantastic view of the 60 @SpaceX Starlink satellites as they passed over the Netherlands just now! This is a must see. https://t.co/Zg6HcMsPhR
— Cees Bassa (@cgbassa) May 24, 2019
Starlink – спадарожнікавая сетка наступнага пакалення, якая можа забяспечыць жыхароў Зямлі шырокапалосным доступам у інтэрнэт. Практычная рэалізацыя праекта распачалася 22 лютага 2018 года, калі ракета Falcon-9 вывела на арбіту два тэставыя спадарожнікі – Tintin-A і Tintin-B. Усяго Маск плануе запусціць блізу 12 тысячаў спадарожнікаў. SpaceX ацэньвала выдаткі на рэалізацыю праекта Starlink як 10 мільярдаў даляраў, але эксперты мяркуюць, што гэты лік заніжаны.
