Беларусь пасля дажджу: размытыя дарогі і «сплылыя» ходнікі
1- 25.05.2019, 12:30
- 23,624
Фота і відэа пятнічнай непагадзі.
Атмасферны фронт з Балтыкі прынёс у Беларусь дажджы і навальніцы. У пятніцу многія гарады і мястэчкі грунтоўна падтапіла.
У Маладзечне вуліца Вялікі Гасцінец ператварылася ў раку. «Відавочцы кажуць, што месцамі машыны былі напалову ў вадзе. Плавалі нумары. Многія аўто глухлі», – апісвае тое, што адбываецца, «Рэгіянальная газета».
У Наваполацку моцная залева прывяла да транспартнага калапсу на дарогах.
На Валожыншчыне пасля патопу дарогі ператварыліся ў бруднае месіва.
А так пасля дажджу выглядала вуліца Леніна ў Рагачове.
Белгідрамет, нагадаем, на другую палову пятніцы абвесціў у краіне штармавое папярэджанне праз навальніцы, град і шквалісты вецер.