Каля Валожына помпавая станцыя скінула ў раку хімікаты
12- 25.05.2019, 15:11
- 16,787
У Валожынскім раёне здарылася экалагічная катастрофа.
Праз аварыю помпавай станцыі ў раку Валожынка патрапілі хімічныя і арганічныя адкіды, вада пабялела, а прыбярэжная трава пакрылася жоўтай плёнкай. Акрамя таго, з'явіўся непрыемны пах.
Адходы трапілі ў мясцовую раку без ачысткі з прычыны аварыйнага скіду. Пад пагрозай забруджвання аказалася таксама рака Іслач, якая ў сваю чаргу ўпадае ў Нёман, паведамляе AНТ.
Пробы з розных участкаў Валожынкі паказалі, што гранічна дапушчальныя нормы забруджвальных рэчываў перавышаныя ў некалькі разоў.
За шкоду, нанесеную прыродзе аварыйным скідам у раку, Валожынскае камунальнае прадпрыемства заплаціць 33 тысяч рублёў штрафу.
Узровень забруджвання ракі афіцыйна пакуль не названы. Магчыма, ён стане вядомы пасля паўторнага даследавання.