Бабруйцы - Лукашэнку: Трэба своечасова сыходзіць
44- 25.05.2019, 18:21
- 39,054
Беларусы падвялі вынікі 25-гадовага кіравання дыктатара.
Улетку 1994 года ў Беларусі прайшлі першыя выбары прэзідэнта. Тады ў другім туры перамог Аляксандр Лукашэнка. Тыя выбары сталі адзінымі ў гісторыі сучаснай Беларусі, якія прайшлі ў два туры, піша «Бабруйскі кур'ер».
З тых часоў Лукашэнка кіруе Беларуссю ўжо цягам 25 гадоў. У 2020 годзе заканчваецца ягоны пяты тэрмін.
Падчас сваёй кампаніі Лукашэнкі абяцаў знізіць інфляцыю і спыніць збядненне народа, знізіць узровень карупцыі, аднавіць сувязі з рэспублікамі былога СССР (перш за ўсё, з Расеяй).
У наступныя гады яго перадвыбарчыя абяцанні мала змяніліся - усё гэтак жа на парадку дня барацьба з карупцыяй, зніжэнне інфляцыі, падвышэнне ўзроўню жыцця. У 2006 годзе на 3-м Усебеларускім сходзе Лукашэнка паабяцаў, што да 2010 года сярэдні заробак у краіне складзе USD500, а да 2015 - USD 1000.
Ці адчулі беларусы гэты рост дабрабыту? Якія наогул вынікі 25-гадовага кіравання Лукашэнкі? Гэтыя пытанні журналісты задалі мінакам на вуліцах Бабруйска:
«Адсутнасць вынікаў. Трэба ўсё рабіць своечасова. Трэба своечасова сыходзіць».
«Без каментароў. Таму што вельмі «добра жыву». У двукоссі».
«Рост коштаў, дэнамінацыя, цэны растуць - заробкі на месцы».
«Агідныя, жудасныя».
«Давайце без каментароў».
«Хацелася б перамен на найвышэйшым узроўні і тады прыйдуць перамены ў краіну».
«Станоўчых вынікаў мала. Лядовыя палацы нам непатрэбныя», - адказалі бабруйцы.