«Уся краіна на хабарах»

Як беларусы адрэагавалі на прысуд паводле «справы медыкаў».

Пяць гадоў калоніі ўзмоцненага рэжыму і канфіскацыя усёй маёмасці - прысуд былому галоўнаму лекару 65-гадоваму Валерыю Кушнярэнку, абвінавачанаму ў атрыманні хабару. Некаторыя мяркуюць, што гэта ўсё адно, што чалавека прысудзіць да смерці.

Cайт «Салiдарнасць» сабраў рэакцыю форумаў на гэтую падзею:

«Так і не зразумеў - ну перамог у тэндары нейкі пастаўшчык. Ну падзяліўся сваім прыбыткам. Бо следства не згадала, што нанесеная шкода - дорага купілі абсталяванне альбо абсталяванне не якаснае і г.д.

Ну дайце штраф сумай атрыманага ўзнагароджання - што не заплаціў падатак і ўсё. За што канфіскацыя усёй маёмасці і 5 гадоў?» - здзіўляецца карыстальнікі форумаў.

Яму патлумачылі механізм хабараў: «Праводзіцца тэндар на апарат УГД, прапануецца 2 апараты, адзін за 30 адзінак, другі за 100. Прадавец дарагога дае хабар і перамагае ў тэндары, прадавец з адэкватным коштам ідзе на сухі лес, а паколькі аплата ідзе з бюджэту, утвараюцца велізарныя пераплаты, якія можна было б пусціць на добрыя справы».

На гэтую ж дэталь звяртае ўвагу яшчэ адзін удзельнік дыскусіі: «У гэтым выпадку кантрольныя органы павінны былі ацаніць не суму хабару, а прычыненую шкоду. Г.зн. абсталяванне няякаснае, альбо кошт завышаны, альбо пастаўшчык не выканаў абавязанні г.д. Але гэтага не было. У выніку страціў хто? Правільна - простыя грамадзяне РБ».

«Як галоўны лекар ён напэўна атрымліваў больш за 1000. І за такі мізэрны хабар пазбавіцца ўсяго, свабоды, сумленнага імя? Ці тут нешта не так, ці я не разумею, чым чалавек кіраваўся?!» - піша адзін з каментатараў.

Меркаванні на форуме падзяліліся.

«З нашым сацыяльным ладзе будуць браць з усялякім заробкам. Патрэбная страхавая медыцына і адсоткаў 8-10 рэальнага беспрацоўя. Тады сістэма будзе жыць без бізуна і паводле закону здаровай капіталістычнай эканомікі. З'явяцца новыя мінусы, вядома, але без гэтага будуць браць».

«Я разумею, калі б ніхто не браў, а так уся краіна на хабарах. Паважаны лекар, ну далі б штраф, кампенсацыю выплаціў бы, і няхай працуе лекарам на карысць людзей. А так чалавека пасадзілі ў такім узросце, гэта, лічы, амаль смерць у калоніі».

«Каму лягчэй стане ад таго, што ён 5 гадоў будзе ў турме сядзець? Ён небяспечны для грамадства?»

«Ён ведаў, на што ідзе, свядома чыніў злачынства. Медыцына ў нас карумпаваная, гэта зразумела ўсім. Дзе, у якой краіне медыкам нясуць хабару, падарункі?

У Паўночнай Амерыцы, Еўропе няма такога. Смешна, калі б да медыкаў у Вялікабрытаніі, напрыклад, ішлі з хабарам, падарункам, няма там такога.

Няма і ў іншых развітых краінах. Шкадаваць трэба не злачынцу, а ягоных ахвяр. Гэта значыць пацыентаў - грамадзян краіны».