Выбары ў Еўрапарламент: галасы ў Польшчы падзяліліся прыкладна напалову
- 27.05.2019, 10:55
- 6,243
Апрацаваны 99% бюлетэняў.
Дзяржаўная выбарчая камісія Польшчы паведаміла пра вынікі выбараў у Еўрапарламент, атрыманыя пасля апрацоўкі 99,31% бюлетэняў, паведамляе wpolityce.pl.
Паводле апошніх звестак, галасы размеркаваліся паміж партыямі наступным чынам:
«Права і справядлівасць» - 45,56%;
«Еўрапейская кааліцыя» (блок апазіцыйных партый, у які ўваходзяць «Грамадзянская платформа», «Сучасная», SLD, PSL і «Зялёныя») - 38,3%;
«Вясна» Робэрта Бэдраня - 6,04 адсотка;
«Канфэдэрацыя» Януша Корвін-Мікэ - 4,55%;
«Кукіз'15» - 3,7%;
Lewica Razem -1,24%
Гэтыя вынікі азначаюць, што ў Еўрапарламент праходзяць толькі тры палітычныя сілы - ПіС, «Еўрапейская кааліцыя» і «Вясна». Іншыя партыі не прайшлі выбарчы бар'ер.
З 52 мандатаў еўрадэпутатаў ад Польшчы ПіС атрымлівае 27, «Еўрапейская кааліцыя» - 22, «Вясна» - 3.
Сярэдні прыход па ўсёй краіне склаў 45,09%.
Згодна з вынікамі апытання, праведзенага студыяй IPSOS для TVP Info, «Права і Справядлівасць» перамагла ў сямі выбарчых акругах, а «Еўрапейская кааліцыя» - у шасці.
Паводле апытання Ipsos, у 4-й акрузе, якая ахоплівае Варшаву і прылеглыя раёны, самы высокі вынік быў атрыманы «Еўрапейскай кааліцыяй» (47,4%). 29,8% прагаласавалі за ПіС. «Вясна» Робэрта Бэдраня ў гэтай акрузе атрымала 10,8%, а «Канфедэрацыя» - 5%.
У астатняй частцы Мазавецкага ваяводства (акруга №5), паводле апытання, ПіС перамагае з 56,9% галасоў. «Еўрапейская кааліцыя» атрымала там 28,4% галасоў, «Канфэдэрацыя» 5,4%, а «Вясна» - 4,9%.
Самы высокі вынік выбараў для ПіС быў атрыманы ў акругах: № 9 (Падкарпацкае ваяводства - 60,7%), №5 (частка Мазавецкага ваяводства - 56,9%), №8 (Люблінскае ваяводства - 55,6%) і № 10 (Малапольскае і Свентакшыскае ваяводства - 52,7%).
Паводле апытання, у «Еўрапейскай кааліцыі» самы высокі вынік быў атрыманы ў наступных акругах: №1 (Паморскае ваяводства - 51,8%), №13 (Любускае і Заходнепаморскае ваяводства - 47,9%), №4 (Варшава і навакольныя паветы - 47,4%) і №7 (Вялікапольскае ваяводства - 46%).