18 студзеня 2020, Субота, 6:27
Засталося зусім крыху
Рубрыкі

«Пара! Пара!»: Жыхары Магілёва патрабуюць увекавечыць памяць пра антырасейскае паўстанне

5
«Пара! Пара!»: Жыхары Магілёва патрабуюць увекавечыць памяць пра антырасейскае паўстанне
ПАЎСТАННЕ ГАРАДЖАН 1661 ГОДА

Мемарыяльную дошку плануюць устанавіць на гарадской ратушы.

Тапанімічная камісія пры Магілёўскім гарвыканкаме разгледзіць пытанне ўстанаўлення памятнай дошкі аб паўстанні жыхароў Магілёва 1 лютага 1661 года, калі яны забілі сем тысяч жаўнераў маскоўскага гарнізона, паведамляе mogilev.online.

З прапановай аб усталяванні мемарыяльнай дошкі пра гістарычную падзею на будынку магілёўскай ратушы да ўладаў горада, а затым вобласці звярнуўся магілёўскі грамадскі актывіст Антон Касцоў. Таксама на інтэрнэт-платформе petitions.by сабраны 104 подпісы ў падтрымку гэтай прапановы.

«Для разгляду пытання аб ўсталяванні дошкі, прысвечанай гэтай гістарычнай падзеі, управай культуры Магілёўскага аблвыканкама даручана ўправе культурай гарвыканкама разгледзець вашу прапанову на чарговым пасяджэнні тапанімічнай камісіі», - гаворыцца ў лісце Касцову за подпісам намесніка старшыні Магілёўскага аблвыканкама Андрэя Кунцэвіча.

У красавіку 2017 года ў рамках праекта «113 гарадоў Беларусі» была выпушчаная сувенірная манета «Адзін магілёўскі рубель». На ёй была нанесеная фраза, сказаная 1 лютага 1661 года бургамістрам горада Язэпам Левановічам: «Пара! Пара!» - заклік да паўстання супраць маскоўскага гарнізона.