Жыхарка Горадні знайшла на вуліцы вялікую суму грошай і вярнула гаспадыні
14- 3.05.2019, 21:57
- 22,049
58-гадовая жанчына страціла 1500 даляраў у валюце.
Цэлафанавы пакет з ашчаджаннямі знаходзіўся зверху ў яе жаночай торбе і, калі яна ішла па вуліцы, вываліўся, паведамляе grodno.mvd.gov.by.
Грошы знайшла 41-гадовая мясцовая жыхарка і наважыла звярнуцца ў міліцыю.
Але яшчэ да прыбыцця праваахоўнікаў жанчына, якая страціла грошы самастойна пачала пошукі і па шляху сустрэлася з жанчынай, якая іх знайшла. Жанчына распавяла пра знаходку, але ў адсутнасць работнікаў міліцыі перадаваць грошы адмовілася.
Вартавым правапарадку, якія прыбылі, на месца заставалася толькі канстатаваць праяўленую свядомасць жыхаркі Горадні. І ў гэтым выпадку ўмяшанне міліцыянтаў абмежавалася толькі гэтым прыемным для ўсіх момантам.