20 кастрычнiка 2019, Нядзеля, 5:05
Мы ў адной лодцы
Рубрыкі

«90% аўтамабіляў прыганяецца пад ільготнікаў»

2
«90% аўтамабіляў прыганяецца пад ільготнікаў»

Колькі каштавацьме беларусам аўто з-за мяжы.

Надоечы прыняты ўказ №140, які дазваляе асобным катэгорыям грамадзян (шматдзетным і інвалідам) эканоміць 50% пры выплаце мытных плацяжоў, падагрэў цікавасць да аўтамабіляў з ЗША. А падвышэнне коштаў паліва прымушае глядзець у бок гібрыдаў і электрамабіляў. Колькі каштавацьме іх размытнёўка "па-льготнаму" і якім будзе агульны бюджэт куплі? У гэтым разбіраўся сайт abw.by.

Chevrolet Volt

Пачнем з гібрыдаў. Адзін з найбольш цікавых варыянтаў у сегменце недарагіх мадэляў - Chevrolet Volt. Сам канцэрн GM нават назваў яго электрамабілем з падаўжальнікам ходу. Напраўду гэта ўсё ж гібрыд з падсілкоўваннем, проста запас ходу на адной электрацязе перасягае 50 км (афіцыйна заяўлены 61 км Volt для 2013 мадэльнага года і 85 км для другога пакалення 2016 мадэльнага года). А гэта значыць, што пры пэўным спрыце можна тыднямі ездзіць маршрутам дом-праца-крама-дом, выкарыстоўваючы толькі электрычны рэжым і падсілкоўваючыся пры кожным зручным выпадку ад разеткі. Няма блоку сілкавання - не бяда: Volt проста паедзе ў гібрыдным рэжыме, застаючыся больш эканамічным, чым традыцыйныя аўтамабілі з ДВС.

"Калі казаць аб першым пакаленні Volt 2010-2015 гадоў выпуску, то на сённяшні дзень гэта адзін з самых даступных гібрыдаў на рынку, - заўважае аўтадылер Дзмітрый Бальдзюсаў. - Такая мадэль з улікам дастаўкі з ЗША і ўсіх аплат, уключаючы аднаўленне, упішацца ў бюджэт ад 11.000 даляраў (тут і далей паказваюцца кошты "пад ключ", з улікам льготнай размытнёўкі. - заўвага аўт.). Сваю ролю адыгрывае той факт, што на Volt першага пакалення прымяняецца рухавік аб'ёмам 1,4 літра. Калі ўжываць 140-ы ўказ аб кампенсацыі 50 адсоткаў мытны плацяжоў, то атрымаем усяго 1190 еўраў мыты. З улікам таго, што 90 адсоткаў замоў цяпер ідзе з выкарыстаннем указа, мае сэнс гаварыць менавіта пра "льготныя" мыты".

А цяпер у катэгорыю аўтамабіляў узростам ад 3 да 5 гадоў трапляе і другое пакаленне Volt (2016-2019 г. в.), якое ва ўсіх аспектах цікавейшае за папярэднюю версію. І гэта не толькі больш прывабны дызайн і "дарагі" інтэр'ер, але і істотна палепшаная гібрыдная ўстаноўка з новай батарэяй на 18, 4 кВт*г, больш эфектыўнымі электраматорамі і кантролёрам. Як вынік, дынаміка стала лепшай, а заяўлены запас ходу на электрацязе складае ўжо 85 км. Вырас і агульны запас ходу ў гібрыдным рэжыме - з 610 да 676 км. Сакрэт просты: на Volt II усталяваны больш магутны і эканамічны бензінавы рухавік з непасрэдным упырскам паліва (102 к.с. супраць 86 к. с. у першага пакалення).

У новай мадэлі працоўны аб'ём рухавіка павялічыўся, але ўсё адно ўпісваецца ў 1,5 літра, так што "льготная" растаможка 3-гадовага аўтамабіля каштавацьме 1275 еўраў. А гэта значыць, што Volt II з ЗША цяпер каштавацьме ад 17 000 "пад ключ". Дзмітрый акурат падае прыклад такога аўтамабіля, які зусім нядаўна быў дастаўлены кліенту. Chevrolet Volt 2017 г. в. з не вельмі вялікімі пашкоджаннямі быў прывезены для кліента Антона, які замаўляе ўжо не першы аўтамабіль у кампаніі AutoGroup.by. Улетку 2018 года была публікацыя аб замове і аднаўленні іншага аўтамабіля, які купляўся тым жа кліентам. З публікацыяй можна азнаёміцца тут.

Toyota Prius

І ўсё ж больш вядомымі і распаўсюджанымі з'яўляюцца ліфтбэкі Prius, прычым з 2015 года выпускаецца новае пакаленне з індэксам XW50. Выкарыстанне найноўшай модульнай платформы TNGA дазволіла панізіць цэнтр цяжару і палепшыць кузава, а дапрацаваная сілавая ўстаноўка забяспечвае эканомію паліва на 10% у параўнанні з ранейшай версіяй.

Як і раней, Prius абсталёўваюць правераным гадамі і станоўча зарэкамендаваў сябе ДВС аб'ёмам 1,8 літра. І няхай мытныя плацяжы вышэй у параўнанні з Volt, льгота паводле 140-га ўказу робіць гэтае адрозненне не такім адчувальным. Усяго Prius XW 50 з улікам дастаўкі ў Менск, мытні і аднаўлення можа набыць ад $15 500.

Не забудзем і пра мадэль Prius V, якая належыць да сямейства трэцяга пакалення, але ўсё яшчэ актуальная для нашага рынку, бо амерыканская версія выпускалася да 2017 года. У параўнанні з звычайным Prius гэты гібрыд большы і можа прапанаваць больш ёмісты салон і багажнік, практычна супастаўны з кампактвэнамі. Узровень коштаў на гэтае аўто супастаўны з Prius XW50, можа быць, крыху таннейшы - ад $14 500

У гэтым годзе становіцца "прахадным" зараджы да канца гібрыд Prius Prime, які дэбютаваў вясной 2016 года. Сілавая ўстаноўка такая ж, як у звычайнага Prius, але цягавая батарэя мае павялічаную да 8,8 кВт*г ёмістасць, і гэта ўжо абяцае запас ходу на адной толькі электрацязе 35 км. Так, гэта менш, чым у Volt, затое ў гібрыдным рэжыме Prius дэманструе лепшую паліўную эканамічнасць (заяўлены расход меншы на 2 л/100 км), а агульная аўтаномнасць дасягае 960 км!

"Як і ў выпадку са звычайным Prius, можна выбіраць: купляць не моцна пашкоджаны 3-гадовы асобнік і размытнёўваць яго ад аб'ёму ці ж аддаць перавагу больш свежаму, але мацней пацярпеламу аўтамабілю, каб была выгадная размытнёўка ад кошту. У кожным выпадку Prius Prime з ЗША цяпер каштавацьме прыкладна 17 500 даляраў", - адзначае аўтадылер.

А як жа "электрычкі"?

"Nissan Leaf, Fiat 500 Electric - такія замовы сёння ёсць!"- кажа Зміцер Бальдзюсаў. Кошты на гэтыя мадэлі знаходзяцца на прывабным узроўні. Калі знайсці не вельмі моцна пашкоджаны асобнік, гэта можа стаць цікавым варыянтам для куплі. Напрыклад, электрычны Fiat з улікам усіх выдаткаў каштавацьме ад $ 13 500. Nissan можна ўпісаць у крыху больш сціплы бюджэт - ад $ 12 000.

Мыта на электрамабілі сёння складае 54% на аўто да трох гадоў і 15% мыта плюс 20% ПДВ на аўто старэйшыя за тры гады. Яшчэ адзін нюанс, пра які не ўсе ведаюць: такія мадэлі, як BMW i3 і i8, размытнёўваюцца менавіта як электрамабілі, нават нягледзячы на наяўнасць ДВС, які выкарыстоўваецца толькі ў якасці падаўжальніка ходу, а не асноўнага агрэгата. У адрозненне ад таго ж Chevrolet Volt, які ўсё ж разглядаецца як гібрыд і размытнёўваецца паводле ставак для аўтамабіляў.