Фотафакт: Трактар «Беларус» распалавінены пасля сутыкнення з «Хондай»
15- 30.05.2019, 18:35
- 28,390
Усе засталіся жывыя, у трактарыста пералом нагі.
Сур'ёзнае ДТЗ на павароце на гарадскую звалку па Светлагорскай трасе адбылося раніцай 30 траўня пад Рэчыцай: сутыкнуліся трактар і пазадарожнік Honda.
- Жывыя ўсе, у кіроўцы трактара пералом нагі, - распавялі падпісчыкі групы «Рэчыца Аўтадапамога» ў сацсетцы.
- Гэта ж як трэба ўлупіць, каб трактар распалавініць! - дзівяцца аўтааматары.
- Канструктыўная асаблівасць гэтых трактароў такая, што пры ўдары лопаюцца балты, і рухавік з рамай адлучаецца ад скрынкі - вельмі частая з'ява пры ДТЗ у такіх трактароў, - адказалі ў групе.
Таксама карыстальнікі пішуць пра тое, што вінаваты ў аварыі, хутчэй за ўсё, пазадарожнік, кіроўца якога перасякаў суцэльную, здзяйсняючы абгон на скрыжаванні, а трактар у гэты час паварочваў налева.