У менскім касцёле з'явілася мемарыяльная дошка ў гонар Манюшкі
1- 30.05.2019, 20:51
- 11,351
Адкрыццё мемарыяльнай дошкі з надпісам на беларускай лацінцы адбылося ў кафедральным саборы на плошчы Свабоды.
У каталіцкім кафедральным саборы на плошчы Свабоды адбылося ўрачыстае адкрыццё мемарыяльнай дошкі ў гонар Станіслава Манюшкі, паведамляе «Белсат».
«Кампазітар і музыкант Станіслаў Манюшка аб'ядноўваў тры краіны - Беларусь, Польшчу і Літву», - адзначыў у сваёй прамове мітрапаліт Тадэвуш Кандрусевіч перад асвячэннем дошкі.
Як сказаў мітрапаліт, менавіта Рымска-каталіцкі касцёл у Беларусі вырашыў усталяваць гэты памятны знак.
Станіслаў Манюшка нарадзіўся ў 1819 годзе ў вёсцы Убель, цяпер Ігуменскі раён, Менская вобласць, а памёр у 1872 годзе ў Варшаве. Беларуска-польскі кампазітар, педагог, стваральнік нацыянальнай класічнай оперы, класік беларускай і польскай вакальнай лірыкі.