«Капітан уласнаручна вырваў птушку з закрылак»

Самалёт «Белавія» збіраўся на ўзлёт, але быў вымушаны вярнуцца.

Учора бліжэй да ночы onliner.by напісаў разгневаны чытач: «Рэйс B2 9208 Шарм-Эль-Шэйх - Менск. Павінны былі вылецець тры гадзіны таму! А 18:00. Цяпер 21:30! Пры падрыхтоўцы да ўзлёту пасажыры заўважылі птушку, якая захрасла ў частках крыла. Пасля гэтага паведамілі бортправадніку. Самі супрацоўнікі кампаніі гэтага не заўважылі. Нас адагналі на стаянку, пасля чаго сам капітан уласнаручна вырваў птушку з закрылак, калі я правільна разумею гэтую назву». Выйшла так, што назву чытач разумее дакладна. У «Белавія» патлумачылі, што адбылося.

«Пасля гэтага мы ўжо паўтары гадзіны сядзім у душным самалёце, - працяг паведамлення чытача. - Праз пэўны час нам паведамілі, што ў «Белавія» ўзніклі пытанні з егіпецкімі ўладамі. Нас усіх адпраўляюць назад у аэрапорт, і яшчэ адну ці дзве гадзіны мы будзем там знаходзіцца. Нас не пускаюць пакуль у аэрапорт, і ўсе пасажыры вельмі незадаволеныя. Мы дзве гадзіны чакаем узлёту, і невядома, калі ён будзе. Пусцілі ў аэрапорт. Дзве гадзіны мы сядзім ужо ў аэрапорце! Тлумачэнняў не паступае. Затрымка рэйса больш за тры гадзіны!»

Вось каментар «Белавія»:

- Пры руленні самалёта рэйса В2-9802 маршруце Шарм-эль-Шэйх - Менск адзін з пасажыраў паведаміў бортправадніцы пра траплянне птушкі ў закрылак. Старшая бортправадніца паведаміла пілотам гэтую інфармацыю, і ў адпаведнасці з інструкцыяй камандзір прыняў пастанову спыніць ўзлёт, вярнуцца на стаянку і праверыць паветранае судна. Для паўторнай поўнай праверкі самалёта ўсе пасажыры былі дастаўлены ў будынак аэравакзала. Праверка тэхнічнай брыгадай судна паказала наяўнасць слядоў птушкі, але не выявіла няспраўнасцяў паветранага судна. Пры перадпалётным аглядзе самалёта убачыць птушку не было як, бо закрылкі знаходзіліся ў прыбраным становішчы. Гэтая сітуацыя ніяк не ўплывала на бяспеку палёту.