NASA апублікавала самую дэталёвую выяву Сусвету

Выява складаецца з 7500 фатаграфій.

Астраномы NASA падзяліліся ў блогу найбольш дэталёвым малюнкам Сусвету: ён складаецца з 7500 фотаздымкаў, якія тэлескоп Hubble здымаў цягам 16 гадоў. У здымак змясцілася 265 тысячаў галактык, а ягоная арыгінальная разрознасць складае 20 791 на 19 201 піксель, піша часопіс «Нож».

Касмічнае агенцтва назвала здымак «кнігай гісторыі галактык», бо на ім паказаныя зорныя сістэмы, якія сфармаваліся праз толькі 500 мільёнаў гадоў пасля Вялікага выбуху.

Ацаніць працу навукоўцаў можна двума спосабамі: паглядзець відэа NASA або спампаваць фота, якое важыць адзін гігабайт.