21 лiстапада 2019, Чацвер, 22:57
Праўда пра «выбары»
Рубрыкі

У Нямеччыне адкрыўся першы электрычны аўтабан

8
У Нямеччыне адкрыўся першы электрычны аўтабан
ІЛЮСТРАЦЫЙНАЕ ФОТА

Па адрэзку шляху даўжынёй блізу пяці кіламетраў па некалькі разоў на дзень будуць праязджаць электрагрузавікі.

У Нямеччыне адкрыўся першы электрычны аўтабан.

Федэральнае міністэрства аховы навакольнага асяроддзя выдзеліла на будаўніцтва канструкцыі з падвеснымі кантактнымі электрасеткамі на трасе А5 у федэральнай зямлі Гесэн 14,6 млн еўраў, паведамляе interfax.by.

Па адрэзку шляху даўжынёй блізу пяці кіламетраў на трасе A5 паміж Вайтэрштадтам і Мёрфельдэнам па некалькі разоў на дзень будуць праязджаць электрагрузавікі розных кампаній. Да сярэдзіны 2020 года плануецца вывесці на выпрабавальную трасу пяць такіх фур на дызелі, абсталяваных дадатковым электраматорам, паведамляецца на сайце гессенскага дарожнага ведамства, якое каардынуе праект.

У яго рэалізацыі задзейнічаны таксама тэхнічны ўніверсітэт Дармштадта і кампаніі Siemens Mobility і ENTEGA. На выпрабаванне электрычнага аўтабана, якое павінна працягнуцца да канца 2022 года, будуць дадаткова пададзеныя 15,3 млн еўраў. На гэты час міністэрства аховы навакольнага асяроддзя вылучыла на распрацоўку электрагрузавікоў больш за 70 млн еўраў.

Раней выпрабаванні электрагрузавікоў праходзілі на прыватных дарогах, паведаміла прадстаўніца міністэрства Рыта Шварцэлюр-Зутэр. З яе слоў, у будучыні плануецца пабудаваць падвесныя сеткі яшчэ на двух адрэзках аўтабанаў - у землях Шлезвіг-Гальштэйн і Бадэн-Вюртэмберг. «Грузавікі з электрапрывадам і токапрыёмнікам - гэта асабліва эфектыўнае развязанне на шляху да бясшкодных для навакольнага асяроддзя грузаперавозак», - упэўненая яна.