26 чэрвеня 2019, Серада, 9:47
Мы ў адной лодцы
Рубрыкі

Навукоўцы: Разумовыя здольнасці дзіцяці залежаць ад інтэлекту маці

16
ІЛЮСТРАЦЫЙНАЕ ФОТА

Экспэрты прааналізавалі звесткі 12 686 чалавек ва ўзросце ад 14 да 22 гадоў.

Навукоўцы прыйшлі да высновы, што найбольш значным спадчынным фактарам, які прадвызначае розум у дзіцяці, з'яўляецца інтэлект ягонай маці.

Выданне The Independent (пераклад - orthodox.od.ua) апублікавала звесткі навукоўцаў пра тое, што ў спадчынным плане мацярынскі інтэлект з'яўляецца больш важнай умовай для развітых кагнітыўных здольнасцяў дзіцяці, чым інтэлект бацькі. Даследчыкамі былі знойдзеныя «ўмоўныя гены», актыўнасць якіх у арганізме залежыць ад таго, хто перадае гэтыя гены па спадчыне - маці або бацька. Калі дзіця атрымлівае ў спадчыну іх ад маці, яны, са слоў спецыялістаў, функцыянуюць, як і належыць. Калі ж яны перадаюцца бацькавай храмасомай, то так і не ўключаюцца.

Выпрабаванні на мышах паказалі, што «ўмоўныя гены», спадчынныя ад маці, вядуць да развіцця мозгу і павелічэння яго масы, што спрыяльна адбіваецца на інтэлекце жывёлін (пацверджана вынікамі тэстаў). Але ў выпадку атрымання ў спадчыну генаў ад бацькі мозг і галава ў жывёлін заставаліся маленькімі, тады як цела, наадварот, актыўна расло.

Прысутнасць клетак, якія змяшчаюць гены маці або бацькоў, была выяўленая ў жывёлін у шасці частках мозгу, якія адказваюць за розныя кагнітыўныя функцыі. Пры гэтым выявілася, што клеткі з матчынымі генамі прысутнічаюць у кары галаўнога мозгу, якая адказвае за інтэлектуальныя здольнасці - разважанне, мысленне, моўныя навыкі, здольнасць да планавання. Клеткі з бацькаўскімі генамі акумуляваліся ў лімфатычнай сістэме і ўплывалі на развітасць палавой функцыі, пачуццё голаду, агрэсію.

Навукоўцы праверылі, як гэтыя звесткі суадносяцца з інтэлектуальным развіццём чалавека. Яны прааналізавалі звесткі 12 686 чалавек ва ўзросце ад 14 да 22 гадоў. Рэзюмэ даследчыкаў такое: розум і інтэлект чалавека на 40-60% залежаць ад генетыкі, у астатнім - ад асяроддзя пражывання, у якім ён жыве, пры гэтым «адзіна верным фактарам, які прадвызначае ўзровень разумовых здольнасцяў у дзіцяці, з'яўляецца IQ маці».