У Мінэнэрга РФ не выключылі абвалу коштаў нафты да $30
10- 10.06.2019, 18:35
- 12,795
Цэны нафты могуць абрынуцца праз вялікія рызыкі перавытворчасці.
Цэны нафты могуць падаць да $30 за барэль праз перавытворчасць. Пра гэта заявіў міністр энэргетыкі РФ Аляксандр Новак пасля пасяджэння расейска-савудаўскай міжурадкамісіі ў гандлёва-эканамічным і навукова-тэхнічным супрацоўніцтве, паведамляе ТАСС.
«Такі сцэнар не выключаны. Шмат што залежыць ад сітуацыі на рынку ў другім паўгоддзі, ад балансу попыту і прапановы, ад таго, як будуць развівацца падзеі - з напэўнасцю, гандлёвымі войнамі, санкцыйным ціскам», - сказаў Новак.
З ягоных слоў, ёсць вялікія рызыкі перавытворчасці. «Трэба глыбей усё прааналізаваць», - дадаў міністр.
Нагадаем, пагадненне аб скарачэнні здабычы нафты на 1,2 млн барэляў у дзень завяршаецца 30 чэрвеня. З красавіка краіны АПЕК + абмяркоўваюць палітыку здабычы нафты на другое паўгоддзе.