СМІ знайшлі зніклага «Збаўцу свету» да Вінчы

Шэдэўр да Вінчы з'яўляецца самай дарагой карцінай свету.

Апошнім часам у коле мільярдэраў намецілася тэндэнцыя выстаўляць вялікія творы мастацтва на суперяхтах.

Стала вядома, што самая дарагая карціна свету - шэдэўр Леанарда да Вінчы «Збаўца свету» (Salvator Mundi) знаходзіцца на суперяхце крон-прынца Саудаўскай Арабіі Махамеда бін Салмана, паведамляе nv.ua.

Месцазнаходжання карціны з моманту продажу яе на аўкцыёне Christie's за рэкордную суму - $450 млн у Нью-Ёрку ў 2017 годзе доўгі час заставалася невядомым. Пра тое, дзе знаходзіцца карціна, паведаміла выданне Artnet са спасылкай на прадстаўнікоў, якія бралі ўдзел у транспарціроўцы працы. Яны паведамілі, што праца была перамешчаная сярод ночы на летаку MBS на яхту Serena.

У верасні мінулага года карціна павінна была быць выстаўленая на экспазіцыі ў парыжскім Луўры. Але за некалькі тыдняў да выставы, яе адкрыццё перанеслі, а потым і зусім скасавалі. Пасольствы Саудаўскай Арабіі ў Лондане і Вашынгтоне не адказалі на просьбу пракаментаваць месцазнаходжанне карціны, як і прэс-служба Christie's.

Выданне The Guardian адзначае, што выстаўляць мастацкія творы на сваіх суперяхтах становіцца традыцыяй сярод мільярдэраў. Так на суперяхце Topaz Мансура ібн Зайда аль-Нахаяна коштам $450 млн знаходзяцца сотні твораў мастацтва.

На суперяхце мільярдэра Джо Льюіса Aviva коштам $250 млн, якая прышвартавалася на Тэмзе летась, на ніжняй палубе выявілі Трыпціх Фрэнсіса Бэкана. Акрамя таго, вядома, што Джо Льюіс валодае адной з самых буйных прыватных калекцый твораў мастацтва ў свеце. У ёй знаходзяцца карціны Дэга, Люсьена Фрэйда, Клімта, Мадыльяні, Маціса і Пікасо і інш.