20 лiпеня 2019, Субота, 4:49
Мы ў адной лодцы
Рубрыкі

Лукашэнка: Сёння адна авечка, а заўтра будзе адна і тры дзясятых авечкі

58

Дыктатар наважыў разводзіць авечак.

Узгадняючы 11 чэрвеня прызначэнне кіраўнікоў мясцовых органаў улады, Лукашэнка зноў выказаў шэраг крытычных заўваг аб дзейнасці ўрада, які ўзначальвае Сяргей Румас, паведамляе прэс-служба дыктатара.

Правадыр, прынамсі, нагадаў, што раней даручаў развіваць у сельскай гаспадарцы новыя кірункі і выпускаць запатрабаваную на рынку прадукцыю. Напрыклад, на ягоную думку, у Беларусі можна было б заняцца авечкагадоўляй. Дыктатар адзначыў, што раней у краіне на гэтым спецыялізаваліся многія прадпрыемствы.

«Мне ўрад піша - ну, проста брыдка чытаць. Добра б я не разумеў у гэтым нічога: можна было б адпіску гэтую трываць. Да 2025 года яны дададуць 133% авечак. Гэта значыць, авечкагадоўля будзе ў нас, мы будзем авечак разводзіць. Гэта шэрсць, гэта аўчына, гэта бараніна. Дарэчы, на рынку запатрабаваная. Ну, карацей, будзем разводзіць гэтых авечак. Так, а што такое 33% да 2025 года? Гэта сёння адна авечка, а заўтра будзе адна і тры дзясятых авечкі. Ну што гэта за тэмпы?» - абурыўся Лукашэнка.

Дыктатар падкрэсліў, што за працу трэба брацца сур'ёзна, тым больш, у гэтым кірунку ёсць перспектывы. «Паглядзіце, колькі зямлі ў нас пустуе, нават у Магілёўскай вобласці. Я не кажу ніжэй, на Прыпяці, да цэнтра, на захадзе, Нёман, Прыпяць. Поймы ня занятыя. Часам ляціш - шкада становіцца пустуючай землі. Недзе бліжэй да поймаў можам будаваць лёгкія навесы і ўтрымліваць гэтых авечак, - цытуе дыктатара ягоная прэс-служба. - Я ў гэтым пераканаўся асабіста. У мяне іх, напэўна, цяпер штук пяцьдзесят. Раздаю людзям, дзяваць няма куды. Якія там выдаткі? Раніцай пойдзеш, накосіш за паўгадзіны травы, завязеш - і ім досыць. На пашу ходзяць ці ў лясок запусціў іх, яны ў гэтым лесе сядзяць у спякоту».

Лукашэнка заўважыў, што шэрсць можна пастаўляць на Менскі камвольны камбінат, шматлікія вытворцы маюць патрэбу ў скуры. «Усё можам перапрацоўваць, лёгкая прамысловасць добрая. Не, чагосьці чакаем. Чакаем, пакуль Лукашэнка па галаве не дасць, - дадаў ён. - Таму шукайце новыя кірункі, новыя культуры вырлшчвайце. Трэба прадаваць, трэба зарабляць грошы».