У Маскве затрыманыя больш за чатырыста чалавек
6- 12.06.2019, 16:30
- 13,899
Паліцыя ўжывае сілу.
Паліцыянты і супрацоўнікі Расгвардыі затрымалі больш за чатырыста чалавек падчас маршу ў падтрымку журналіста «Медузы» Івана Галунова, якога абвінавачвалі ў распаўсюдзе наркотыкаў. Пра гэта паведамляе «АУС-Інфа», інфармуе «Радыё Свабода».
Пры гэтым паліцыя паведамляе, што ўсяго ў акцыі ўдзельнічаюць крыху больш за тысячу чалавек. Ініцыятары маршу кажуць пра некалькі тысяч.
Паліцыя ўжывае сілу і палівальныя машыны. Аднаго з затрыманых ударылі галавой аб слуп, паведамляецца аб ужыванні дубінак.
Очень жесткое задержание. Видно, как парня ударили головой о столб, но его все равно продолжаю волочить по землеhttps://t.co/amTBQn3cpS pic.twitter.com/GYKIf0fmDb
— RTVI (@RTVi) 12 июня 2019 г.
Адзін з затрыманых Іван Дарафееў паведаміў «МБХ медия», што прычына затрымання - футболкі «Я/Мы Галуноў».
Да гэтага паліцыянты прасілі ў пратэстоўцаў зняць футболкі або разысціся. Таксама ў аўтазакі саджаюць тых, хто прыйшоў з плакатамі, і тых, хто спрабуе здымаць - у тым ліку і журналістаў з пасведчаннямі.
Каля Пятроўкі, 38, нягледзячы на наяўнасць прэс-карты, быў затрыманы стажор «Радыё Свабоды» Антон Сергіенка. Праз кароткі час яго адпусцілі.
Сярод затрыманых - галоўная рэдактарка «МБХ медыя» Вераніка Куцыла. Таксама паведамляецца, што на шэсці забралі ў аўтазак карэспандэнтаў «Медузы» Іллю Жэгулёва і Андрэя Перцава. Іх ужо адпусцілі, але ў аддзел адвезлі рэжысёра, які працаваў з імі. Пазней у паліцыю забралі Іллю Азарава, Андруся Кавалёва і Яўгена Берга - ініцыятараў правядзення акцыі.
Карэспандэнт «Радыё Свабода» паведамляе, што была затрыманая палітолаг Кацярына Шульман, чалец Рады ў правах чалавека пры прэзідэнце РФ.
Паводле звестак ВВС і «Медиазоны», затрыманыя журналісты Reuters, «Дождя», і прадусар нямецкага выдання Der Spiegel Аляксандр Чарнышоў. Карэспандэнт «Радыё Свабода» паведамляе, што ў аўтазак трапіў і фатограф французскага часопіса Le Temps Эмануэль Грынспен.
Паводле звестак «АУС-Інфы», затрымалі карэспандэнта «Новой газеты» Мікіту Гірына, карэспандэнта «МБХ медыя» Міхаіла Шэвялёва і журналіста «Коммерсанта» Рамана Дарафеева. The Village паведамляе, што ў аўтазак забралі карэспандэнта выдання Паўла Яблонскага.
Пра сваё затрыманне паведамляе былы «вязень Балотнай» Аляксей Гаскараў.
Таксама затрыманыя заснавальнік Фонду барацьбы з карупцыяй Аляксей Навальны і мэнэджар праектаў фонду Руслан Шаведдзінаў. На Навальнага складаюць пратакол аб паўторным парушэнні заканадаўства аб мітынгах, паведаміла супрацоўніца ФБК Кіра Ярмыш.
Навального задержали
— Телеканал Дождь (@tvrain) 12 июня 2019 г.
Фото: Артем Миндрин / Дождь pic.twitter.com/T4J6zp1Kl9
Як мінімум у адным з аўтазакаў у людзей забралі мабільныя тэлефоны.
Удзельнікі акцыі, якія сабраліся ў раёне поўдня ля помніка Грыбаедава на Чыстапрудным бульвары, рушылі ў бок Пятроўкі, 38 - маршрутам акцыі, якую ўчора не атрымалася ўзгадніць з мэрыяй. Шлях ім заступаюць супрацоўнікі Расгвардыі. Калона падзялілася. Частка актывістаў дабралася да Галоўнай управы МУС Расеі. Да будынка іх не падпускаюць паліцыянты. Праход на Пятроўку закрыты, тут таксама былі затрыманні - у тым ліку ў садзе Эрмітаж, дзе праходзілі афіцыйныя святочныя мерапрыемствы з нагоды Дня Расеі.
Марш за свабоду Івана Галунова быў запланаваны на поўдзень 12 чэрвеня ў цэнтры Масквы. Удзельнікі акцыі збіраліся несці ў руках газеты з артыкуламі журналіста. Шэсце планавалася скончыць ля будынка ГУУС Масквы.
Мэрыя Масквы ў аўторак заявіла, што ўзгадніла акцыю ў падтрымку Галунова на 16 чэрвеня. Яе арганізатары - галоўны рэдактар «Московского комсомольца» Павел Гусеў і чалец Рады ў правах чалавека журналістка Кацярына Вінакурава - ніяк не звязаныя з ініцыятарамі няўзгодненай акцыі 12 чэрвеня.