19 лiпеня 2019, Пятніца, 12:11
Мы ў адной лодцы
Рубрыкі

Каранік vs. Малашка: параўноўваем абяцанні міністраў аховы здароўя

5
УЛАДЗІМІР КАРАНІК
ФОТА: TUT.BY

Новы кіраўнік Міністэрства аховы здароўя Каранік паўтарыў словы свайго папярэдніка Малашкі.

Вось што абяцаў новы міністр Уладзімір Каранік, прызначаны на пасаду 11 чэрвеня:

- Я ўважаю, што ў першую чаргу мы звернем увагу на арганізацыю даступнай і якаснай медыцынскай дапамогі для нашых грамадзян. Гэта асноўная задача аховы здароўя.

- Таксама папрацуем над тым, каб сістэма абслугоўвання закупкі вырабаў медыцынскага прызначэння была абсалютна празрыстая, справядлівая і не выклікала ніякіх пытанняў.

Яго папярэднік Валерый Малашка ўзначаліў Міністэрства аховы здароўя ў студзеня 2017-га, нагадвае «Салідарнасць».

Вось яго першыя абяцанні на пасадзе міністра:

- Даступнасць і якасць медыцынскай дапамогі насельніцтву ва ўсіх рэгіёнах трэба павысіць.

- Вядома ж, важным з'яўляецца працяг развіцця і ўкаранення высокіх тэхналогій у сістэме аховы здароўя. Мы не павінны спыняцца на месцы, трэба будзе актыўна асвойваць усё новае і перадавое, што ёсць у свеце, і ўкараняць у Беларусі.

Васіль Жарко кіраваў Міністэрствам аховы здароўя з 2005 года.

Як пісала газета Naviny.by, першы год працы ён адмоўчваўся - ні аднаго інтэрв'ю, ніякіх выступаў на прэс-канферэнцыях.

На пасадзе міністра ён запомніўся гучнымі заявамі:

- Я прашу і прымушаю: на дзвярах участковага тэрапеўта павінен вісець нумар мабільнага тэлефона, каб жыхар мог звярнуцца.

- У 2013 годзе чэргаў у паліклініках не будзе.

- Мы абмежавалі самалячэнне грамадзян, таму што мы ўбачылі, што грамадзяне пачалі ў аптэку хадзіць як у краму. Дома ў кожнага - цэлыя аптэчныя шапікі.