Сур'ёзная аварыя на трасе М1: рух у бок Берасця заблакаваны

Здарэнне адбылося каля «зубра».

На трасе М1 Берасце - Менск - мяжа РФ у Баранавіцкім раёне адбылася сур'ёзная аварыя. Пра гэта tut.by паведамілі чытачы.

Паводле інфармацыі відавочцаў, здарэнне адбылося ўдзень 12 чэрвеня каля «зубра». На месцы аварыі працавалі выратавальнікі, хуткая дапамога і ДАІ.

Як паведамілі ў ДАІ УУС Берасцейскага аблвыканкама, на 249-м кіламетры трасы кіроўца КамАЗа пры развароце не саступіў перавагу мікрааўтобусу Volkswagen, які ехаў у кірунку сталіцы і ўчыніў з ім сутыкненне.

У выніку ДТЗ кіроўца мікрааўтобуса атрымаў сур'ёзныя траўмы і быў шпіталізаваны.

Рух транспарту ў раёне аварыі ў напрамку Берасця заблакаваны.