Вакарчук прадставіў трох донараў сваёй партыі

Першы ўнёсак партыя атрымала ад самога Святаслава Вакарчука.

Лідар партыі «Голас», музыка Святаслаў Вакарчук прадставіў трох першых донараў, якія зрабілі ўзносы на фінансаванне перадвыбарнай кампаніі яго палітычнай сілы.

Пра гэта паведамляе прэс-служба партыі.

Сярод першых «Голас» падтрымалі: інвестыцыйны банкір, спецыяліст Dragon Capital у продажы пазыковых каштоўных папер Сяргей Фурса, рэгіянальны прэзідэнт Jacobs Douwe Egberts у краінах Усходняй Еўропы, Блізкага Усходу і краінах Афрыкі Тарас Лукачук, экс-прэзідэнт Кіеўстара, заснавальнік супольнасці таленавітых матэматыкаў Kontora Pi Пётр Чарнышоў.

Пры гэтым, першы ўнёсак партыя атрымала ад самога Святаслава Вакарчука.

«Мы ўдзячныя за падтрымку ўсім, хто хоча сапраўдных змен і давярае нам іх рабіць. Людзям, якія падтрымліваюць новую палітыку, якія самі становяцца зменамі, укладваючы ў іх свае сілы і рэсурсы. І нам ёсць што прапанаваць у адказ - гэта наш спіс кандыдатаў у парламент, які складаецца з маладых спецыялістаў», - сказаў Вакарчук.