16 лiпеня 2019, aўторак, 12:21
Мы ў адной лодцы
Рубрыкі

Караеў - Шуневічу: Ваша дзейнасць - прыклад таго, як трэба служыць сваёй Радзіме

48
ФОТА: MVD.GOV.BY

Новы міністр унутраных спраў звярнуўся са словамі ўдзячнасці да папярэдніка на пасадзе.

Новы міністр унутраных спраў Юрый Караеў на сваім афіцыйным прадстаўленні заявіў, што ў найбліжэйшай будучыні рэзкіх зменаў у дзейнасці органаў унутраных спраў не прадбачыцца, праца працягнецца ў ранейшым рытме, паведамляе прэс-служба МУС.

Юрый Караеў звярнуўся з пажаданнямі і словамі ўдзячнасці да папярэдніка на пасадзе - Ігара Шуневіча.

- Ваша дзейнасць на пасадзе міністра - для нас прыклад таго, як трэба служыць сваёй Радзіме. Для нас вы - узор мужнасці, адказнасці, актыўнай жыццёвай пазіцыі і зацікаўленасці ва ўсім, што адбываецца навокал. Вашу прыстойнасць не раз адзначалі не толькі падначаленыя, але і «кіраўнік дзяржавы», - сказаў Караеў.

У слове ў адказ Ігар Шуневіч падзякаваў усім за сумесную працу ў камандзе і падкрэсліў, што генерала робіць яго войска.