Дэпутат ПАРЕ: Пастанова правесці Еўрапейскія гульні ў Беларусі была памылковай
36- 13.06.2019, 20:48
- 27,469
Еўрапейскія палітыкі асудзілі смяротнае пакаранне, ужытае ў Беларусі напярэдадні Еўрапейскіх гульняў.
Даніэль Хольтген, прадстаўнік Рады Еўропы, адгукнуўся на гэту падзею ў Твітэры, паведамляе euroradio.fm.
«Мы асуджаем чарговае пакаранне ў Беларусі, пра якое паведамляюць праваабаронцы. Смерць - гэта не справядлівасць. Мы зноў заклікаем улады ўвесці мараторый на прымяненне смяротнага пакарання ў якасці першага кроку да яе скасавання».
We condemn another execution in #Belarus, as reported by rights defenders. Death is no justice. We reiterate our call on the authorities to impose a moratorium on the application of #deathpenalty as the first step towards its abolition.
— Daniel Holtgen (@CoESpokesperson) June 13, 2019
https://t.co/txHO1MnzT1
Каментуючы гэтую заяву, кіраўнік групы сацыялістаў у ПАРЕ Франк Швабе напісаў: «Гэта паказвае, што пастанова правесці Еўрапейскія гульні ў Беларусі была з самага пачатку памылковай. Уся падзея - фарс».
Як паведамляў Charter97.org, сёння стала вядома, што пакараны Аляксандр Жыльнікаў, асуджаны за двайное забойства. Лёс другога фігуранта справы Вячаслава Сухарко невядомы, але звычайна ў Беларусі разам расстрэльваюць фігурантаў адной справы, кажуць праваабаронцы.