Навукоўцы: Першыя жывёлы на Зямлі былі не такімі, як меркавалася

Ва ўніверсітэце Квінслэнду перавярнулі векавыя разуменні эвалюцыйнай гісторыі жывёл.

Здаўна меркавалася, што першыя шматклетачныя былі вельмі падобныя ў будове і функцый на сучасныя губкі. Губкі – від водных арганізмаў, якія не маюць тканін і органаў. Іх функцыю выконваюць асобныя клеткі і клетачныя нагрувашчванні. Такім чынам, губку можна ўявіць хутчэй як велізарную калонію клетак, якая працуе на агульную карысць. Пры гэтым кожная клетка жыве сама па сабе. Такая дзіўная асаблівасць губак дазволіла навукоўцам думаць, што гэта найбольш просты спосаб арганізацыі клетак у шматклетачныя арганізмы. Таму доўгі час меркавалася, што яны ці падобныя ім структуры і былі першымі мнагаклетачнымі, піша naked-science.ru.

Аднак, выкарыстоўваючы новую тэхналогію для сваіх даследаванняў, навукоўцы з Універсітэта Квінслэнду зрабілі адкрыццё, якое супярэчыць шматгадовай традыцыі. Яны выявілі, што першыя шматклетачныя жывёлы, імаверна, не былі падобныя на сучасныя губкі і больш нагадвалі нагрувашчванне трансфармаваных клетак. Гэта значыць, з іх слоў, прапрапрабабуляй усіх клетак жывёл была ствалавая клетка.

Каманда навукоўцаў правяла аналіз геному індывідуальных клетак аднаго віду губак і высветліла, што ў ім няма транскрыптомнага подпісу аднаклетачнага арганізма пад назвай хаанафлагелат. Гэты арганізм уважаецца за найбліжэйшага сваяка мнагаклетачных - або апошнім аднаклетачным, дзякуючы якому ўзніклі ўсе сучасныя расліны і жывёлы. Аднак, як высветлілася, транскрыптомныя подпісы гэтых клетак не супадаюць. Гэта азначае, што хаанафлагелат ніяк не мог эвалюцыянаваць у клеткі губкі.

Са слоў навукоўцаў, ім дагэтуль не зразумела, хто ж сапраўды быў продкам першых мнагаклетачных і як яны з'явіліся. Але далейшыя даследаванні з выкарыстаннем новай тэхналогіі аналізу транскрыптомнага подпісу дазволяць даследчыкам рушыць наперад у гэтым пытанні.