Іран пагражае выйсці з ядзернай угоды

Кіраўнік дзяржавы запатрабаваў «станоўчых сігналаў» ад краін, якія падпісалі дамову.

Прэзідэнт Ірана Хасан Рухані заявіў пра намер згарнуць выкананне сваіх абавязацельстваў у ядзернай угодзе, калі іншыя падпісанты не будуць паказваць «пазітыўныя сігналы». Пра гэта ў суботу, 15 чэрвеня, паведамляе Reuters.

На Нарадзе ва ўзаемадзеянні і захадах даверу ў Азіі Рухані заявіў, што Іран не можа прытрымлівацца ядзернага пагаднення ў аднабаковым парадку.

«Неабходна, каб усе бакі гэтага пагаднення зрабілі свой унёсак у яго аднаўленне», - заявіў прэзідэнт Ірана.

Ён таксама дадаў, што ў Іране хочуць бачыць «станоўчыя сігналы» ад іншых краін, якія падпісалі дамову, уключаючы РФ, Кітай, Брытанію, Францыю і Нямеччыну.

У траўні стала вядома, што Іран у чатыры разы павялічыў ступень узбагачэння ўрану.

Нагадаем, у пачатку чэрвеня дзяржаўны сакратар ЗША Пампэа назваў умовы для новай угоды з Іранам. Паведамлялася, што ЗША гатовыя ўкласці з Іранам новае пагадненне пры ўмове гарантыі, што гэтая краіна не вырабляцьме ядзерную зброю.