29 сакавiка 2024, Пятніца, 13:41
Падтрымайце
сайт
Сім сім,
Хартыя 97!
Рубрыкі

Новая прэм'ерка Малдовы патрабуе адстаўкі Канстытуцыйнага суда

4
Новая прэм'ерка Малдовы патрабуе адстаўкі Канстытуцыйнага суда
Мая Санду

Мая Санду патрабуе адстаўкі ўсіх суддзяў КС Малдовы.

Новапрызначаная прэм'ер-міністарка Малдовы Мая Санду патрабуе адстаўкі ўсіх суддзяў Канстытуцыйнага суда краіны. Пра гэта паведамляе РБК-Украіна са спасылкай на заяву палітыка ў Facebook.

Так, кіраўніца ўрада Малдовы раскрытыкавала папярэднія дзеянні суддзяў Канстытуцыйнага суда і заявіла, што яны павінны сысці ў адстаўку, "калі хоць трохі паважаюць Канстытуцыю і грамадзян Малдовы".

"Суддзі КС працягваюць трызніць, ганьбуючы на нацыянальным і міжнародным узроўні інстытуцыю, якую яны прадстаўляюць", - гаворыцца ў заяве Санду.

Таксама, на думку палітыка, скасаванне Канстытуцыйным судом папярэдніх пастаноў, якія былі прынятыя 7-9 чэрвеня, і перадача ўлады новаму ўраду, сведчыць аб тым, што суд спрабуе апраўдацца за свае дзеянні замест таго, каб прызнаць спробы Дэмакратычнай партыі незаконна захаваць сваю ўладу.

"Я называю такі падыход недарэчным з пункту гледжання павагі да Канстытуцыі краіны. Канстытуцыйны суд павінен прымаць пастанову ў адпаведнасці з пунктамі літары і духу Канстытуцыі, а не на аснове пастаноў і паводзін палітычных дзеячаў у краіне", - падкрэсліла прэм'ер-міністарка Малдовы.

Напісаць каментар 4

Таксама сачыце за акаўнтамі Charter97.org у сацыяльных сетках