Пасля пратэстаў РПЦ адмовілася ад будаўніцтва храма ў Екацярынбургу

Кіраўнік дыяцэзіі зрабіў афіцыйную заяву.

РПЦ адмовілася ад будаўніцтва сабора ў скверы ў цэнтры горада, дзе праходзілі пратэсты. Пра гэта гаворыцца ў пасланні да духавенства і вернікаў мітрапаліта Екацярынбуржскага і Верхатурскага Кірылы (Наканечнага), апублікаваным на сайце епархіі.

"Мы чулі ад прыхільнікаў сквера, што іх пратэст звязаны з абаронай грамадскіх тэрыторый ад забудовы і не паўстаў бы пратэст, калі б будаваць пачалі на выкупленай зямлі. І хоць мы шмат разоў пераконваліся, што не варта верыць ніводнаму іх слову, зробім так, як яны хочуць чарговым разам, - заявіў Кірыл. - Я заклікаю ўсіх хрысціян нашай мітраполіі быць адзінымі і неабыякавымі".

Акцыі пратэсту супраць будаўніцтва храма на месцы сквера каля тэатра Драмы ў цэнтры Екацярынбурга пачаліся ў траўні - пасля таго, як на месцы меркаванага будаўніцтва пачалі ставіць агароджу. Некалькі дзён у скверы працягваліся няўзгодненыя акцыі пратэсту, у якіх удзельнічалі тысячы гараджан. Дзясяткі людзей былі затрыманыя паліцыяй. Да гэтага актывісты дамагаліся скасавання будаўніцтва сабора на двух іншых пляцоўках.

Актыўная фаза супрацьстаяння закончылася пасля таго, як прэзідэнт Расеі Уладзімір Пуцін прапанаваў правесці ў горадзе апытанне аб месцы будаўніцтва храма. Зараз актывісты і гарадскія ўлады ўзгадняюць фармат апытання і пляцоўкі, якія будуць прапанаваны для галасавання.

Супраціўнікі будаўніцтва сабора намагаюць, што РПЦ не павiнна забудоўваць нешматлікія гарадскія грамадскія прасторы. Прыхільнікі ўпэўненыя, што актывісты выступаюць супраць будаўніцтва ўсялякага храма, а не выбару пляцовак. Кіраўнік РПЦ патрыярх Кірыл (Гундзяеў) заяўляў, што акцыі супраць будаўніцтва былі "спланаванымі".