Джон Болтан: Мадура купіў пастаянную падтрымку РФ за $209 мільёнаў
2- 16.06.2019, 19:56
- 11,274
У гэты ж час сотні тысяч венесуэльцаў галадаюць.
Дарадца прэзідэнта ЗША ў нацыянальнай бяспецы Джон Болтан абвінаваціў венесуэльскі рэжым Нікаласа Мадура ў куплі пастаяннай падтрымкі Масквы.
Пра гэта Болтан напісаў у Twitter, піша «Новое время».
Maduro has grossly mismanaged Venezuela’s resources. In May, while hundreds of thousands of Venezuelans went hungry, Maduro gave Russia $209 million for a defense contract to buy their continued support. Venezuelans want true democratic leadership, not repression.
— John Bolton (@AmbJohnBolton) June 16, 2019
«Мадура цалкам неэфектыўна распарадзіўся рэсурсамі Венесуэлы. У траўні, калі сотні тысяч венесуэльцаў галадалі, Мадура заплаціў Расеі $209 млн за абаронны кантракт, каб купіць яе пастаянную падтрымку», - напісаў дарадца.
«Венесуэльцы хочуць сапраўднага дэмакратычнага кіраўніцтва, а не рэпрэсій», - дадаў Болтан.
Дэталі кантракта і крыніца гэтай інфармацыі ён не раскрыў.
