ЗША адклалі публікацыю «ўгоды стагоддзя»
- 17.06.2019, 9:55
- 6,182
Планы падкарэктаваныя ў сувязі з новымі выбарамі ў Ізраілі.
ЗША не будуць публікаваць палітычную частку плана блізкаўсходняга ўрэгулявання, так званай "угоды стагоддзя", да лістапада. Пра гэта заявіў спецпрадстаўнік ЗША Джэйсан Грынблат, піша Axios (пераклад - korrespondent.net).
Паводле ягоных слоў, адміністрацыя ЗША хацела апублікаваць гэттую частку плана летам. Планы падкарэктаваныя ў сувязі з новымі выбарамі ў Ізраілі.
Грынблат падкрэсліў, што "угодзе стагоддзя" не перашкодзіць перадвыбарчая кампанія ў ЗША.
ЗША рыхтуюць план блізкаўсходняга ўрэгулявання пад назвай "угода стагоддзя" з моманту пачатку прэзідэнцкага тэрміну Дональда Трампа. Аднак яе дэталі пакуль невядомыя.
Нагадаем, у канцы 2017 года прэзідэнт ЗША Дональд Трамп прызнаў Ерусалім сталіцай Ізраіля і распарадзіўся перанесці туды амерыканскую амбасаду. Праз гэта абвастрыўся палестына-ізраільскі канфлікт.
У сакавіку гэтага года ЗША прызналі суверэнітэт Ізраіля над Галанскімі вышынямі.